I Kôrintô 10:13 - Sră Goh 2018

¹³ Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

I Kôrintô 10:13 ပူးပေါင်းရင်းမြစ်များ

Đơs Crih 124:7

Bol he neh geh lik klàs be sềm lik klàs bơh dă cau pơt; Dă neh pă mơ bol he lik klàs.

Đơs Crih 125:3

Bơh gai gơnoar at bồ cau iơh bơsak dê rơp ò geh ơn hơđang ù tiah gơrê bal mơ cau song ring nàng cau song ring ò pò tê bol khai dê lơh bơta tìs.

Đơs Crih 36:5

Ơ Yàng Jehôwa, bơta kòñ gơboh kơ̆ dơn Kơnràñ dê la dờng ơnàng jơl tus hơđang trồ, Bơta dòn song Kơnràñ dê tus di ală mhwal.

Đơs Crih 89:33

Mơya Añ rơp ò tă tơlik bơta kòñ gơboh kơ̆ dơn Añ jê bơh di khai, Kung ò sang lòi jơnau ho pơgon Añ jê gơwèt mơ khai.

Lik Ejiptơ 3:17

Mơ Añ neh ho dong tă bol mê lik bơh di bơta bòl glar bol mê dê tòm lơgar Ejiptơ nàng cèng tus hơ lơgar cau Kanaan, cau Hetit, cau Amôr, cau Pheres, cau Hebit, mơ cau Jebusit dê, la dô nơm lơgar gơs lìu làc dà toh mơ dà lơwe.’

Esai 11:5

Bơta song ring rơp la che but gùt dar but Kơnràñ dê, mơ bơta dòn song rơp la che but gùt dar wĕ Kơnràñ dê.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Jeremi 12:5

“Dilah mê ntoat pơrlòng bal mơ cau ntoat mơ jơng, mơ gam bòl glar, Gen mbe rgơi ntoat pơrlòng mơ ơseh taih? Tòm tŭ lơgar ơm ring lơngai mơ mê gơtup pừ, Mbe mê rơp lơh mơ tòm tŭ hiòng Jordan ngơr?

Jeremi 29:11

Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Ñìm Rac 3:23

Kòp àng drim la pa sùm, bơta dòn song Kơnràñ dê la dờng ngan.

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Sră Ôse 2:20

Añ rơp bau mơ ai tòm bơta dòn song, mơ ai rơp đal git Yàng Jehôwa.”

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Luka 11:4

Dan toh glài bol hi in, bơh să tòm bol hi kung toh glài kòp nă cau kòl dồs mơ bol hi; bañ lòi bol hi gơkòl tòm bơta ơniai.’”

Luka 16:26

Rlau mơ hơ̆ tai, gơs dô nơm brong jrô dờng neh gơs nền digùl bol hi mơ bol mê, tian gơs cau lơi kòñ bơh do tus hơ bol mê kung ò rgơi, hala cau bơh tềng hơ̆ lòt tus hơ bol hi kung ò rgơi sơl.’

Luka 22:46

gen đơs lah: “Ñchi bơh tài bol mê lơhă bic taih? Guh tĕ hòi dan, tồ bol mê ò gơtơmut tòm bơta ơniai.”

Broă 27:44

mơ sồr ală cau gam wơl tòm ơhò, cau ƀà hào mpàn, cau ƀà tai hào hơđang phan bơcah ơhò dê. Behơ̆ jơh tơl nă geh guh lơngap lơngai hơđang ƀòng dà.

I Kôrintô 1:9

Yàng Tom Trồ la Bơtau dòn song; tài bơh Kơnràñ oh mi geh hòi sac tus tòm bơta gơtòmklac bal mơ Kòn Kơnràñ la Yàng Jesu Krist bol he dê.

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

Yal Wơl 7:9

Gen tàng, dòp git tĕ Jehôwa Yàng Tom Trồ bol mê dê la Yàng Tom Trồ: Kơnràñ la Yàng Tom Trồ lơh jat jơnau ho Kơnràñ dê, prap gàr bơta ho bal kòñ gơboh Kơnràñ dê tus di rbô rài ală cau in kòñ gơboh di Kơnràñ mơ prap gàr ală bơta sồr lam Kơnràñ dê.

I Tesalônika 5:24

Bơtau neh hòi sac oh mi la Bơtau lơh jat jơnau ho Kơnràñ dê, să tòm Kơnràñ rơp lơh broă hơ̆.

II Tesalônika 3:3

Mơya Yàng la Bơtau dòn song, Kơnràñ rơp lơh oh mi in kơ̆ nền mơ sền gàr oh mi klàs di cau iơh bơsak.

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

Hebrơ 10:23

Bol he pal prap kơ̆ bơta gơn kơnòm mơ bol he neh gơs nàng gơ ò lơnggơr, bơh Yàng Tom Trồ neh ho pơgon la Bơtau lơh jat jơnau ho Kơnràñ dê.

Hebrơ 11:11

Bơh bơta dòn, bulah Sara kơnền mơ neh jòng sơnam, mơya khai dòp gơs tơl pràn nàng deh kòn, bơh khai dòn Bơtau neh ho pơgon la Bơtau lơh jat jơnau ho Kơnràñ dê.

Hebrơ 12:4

Oh mi tòmdră mơ tồi glài tian gơs òhềt hòr mhàm;

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Pier 4:19

Behơ̆, gen ală cau kong bòl glar jê sồt jat nùs kòñ Yàng Tom Trồ dê kư̆ lơh tĕ bơta niam mơ jào hwềng soàn he Bơtau crơng gơs in, la Bơtau dòn song.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.

I Samuel 29:10

Tŭ do ñă tĕ gòñ bal mơ ală cau duh broă cau tòm mê dê neh tus bal mơ mê, mơ lòt tus hơ tiah mơ añ neh sơnio mê in, kung be bơh ală jơnau yal wơl iơh, bañ ơn jơnau hơ̆ tòm nùs, bơh mê neh lơh bơta niam di đap añ. Sơntòm tĕ gòñ bơh rìng àng mơ lik lòt gòñ kàr lơi nggòc mê in kàr hơ̆.”