I Kôrintô 1:27 - Sră Goh 2018

²⁷ Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,

I Kôrintô 1:27 ပူးပေါင်းရင်းမြစ်များ

Đơs Crih 8:2

Yàng kơnòm di bơr ală cau kơnòm mơ ală kòn gam pô nàng jòng ro Kơnràñ, Mơ Yàng bơtào gơs gơnoar pràn Kơnràñ dê tài bơh ală cau sò tơm di Kơnràñ, Nàng lơh bol khai mơ cau sal tê in ơm mŏ mŏ.

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.

Khà Làng Bol 22:30

Alàng đơs mơ Balaam lah: “Añ ò di la alàng tòm ồng dê mơ ồng neh hào sùm sùm jơl tus di ngai do ò ơ? Añ neh gơs bơta òs mòng lơh behơ̆ ồng in sơl ơ?” Balaam đơs lah: “Ò.”

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 21:16

mơ đơs mơ Kơnràñ lah: “Ồng kơno jơnau mpồl kơnòm do đơs sơl?” Yàng Jesu ho lah: “Kơno, behơ̆ bol mê òhềt sền jơnau: ‘Yàng neh geh jòng ro bơh bơr ală kơnòm dềt mơ ală kòn gam pô,’ ò ơ?”

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 7:35

Môise do la cau neh bol khai sang mơ đơs lah: ‘Ñcau neh bơtào mê lơh gơs kwang at bồ mơ kwang cahrña taih?’ Hơ̆ la cau mơ Yàng Tom Trồ neh sồr lơh gơs kwang at bồ mơ bơtau dong tă, kơnòm di tê cau gơnrơh neh tơlik să mơ khai tòm rlau lò.

Broă 7:54

Ală bol hơ̆ kơno jơnau hơ̆, gen tơk òl gơhào nùs, mơ rkiat sề di Etien.

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 2:12

Tŭ do, bol he neh dòp ò di hwềng dunnia dê, mơya Hwềng tus bơh Yàng Tom Trồ, nàng bol he in git ală bơta Yàng Tom Trồ neh ai gòi bol he in.

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 4:7

Mơya bol hi ơn phan màng do tòm gri mơ ù, tồ yal tơlik gơnap gơnoar dờng rlau jơh do la bơh Yàng Tom Trồ, ò di la bơh bol hi.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?