I Kôrintô 1:24 - Sră Goh 2018

²⁴ mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

I Kôrintô 1:24 ပူးပေါင်းရင်းမြစ်များ

Jơnau Pơnđik 8:1

Ngan bơta jak chài ò hòi driau ơ? Ngan bơta àng loh ò yal tơlik jơnau he ơ?

Luka 11:49

Gen tàng bơta jak chài Yàng Tom Trồ dê kung neh đơs lah: ‘Añ rơp sồr ală cau gơnoar hwơr mơ ală cau gơnoar bơto dờng lòt tus hơ bol khai; bol khai rơp tơnchơt cau do, kup kơryan cau ne.’

Luka 7:35

Behơ̆ bơta jak chài geh kòp la song ring kơnòm di kòn sau bơta jak chài dê.”

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 1:9

Yàng Tom Trồ la Bơtau dòn song; tài bơh Kơnràñ oh mi geh hòi sac tus tòm bơta gơtòmklac bal mơ Kòn Kơnràñ la Yàng Jesu Krist bol he dê.

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.