I Kôrintô 1:21 - Sră Goh 2018

²¹ Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 1:21 ပူးပေါင်းရင်းမြစ်များ

Daniel 2:20

Daniel đơs lah: “Jòng ro sơnđan Yàng Tom Trồ sùm sùm ò git lồi, Bơta jak chài mơ gơnap gơnoar gơrê bal mơ Kơnràñ.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Luka 10:21

Kung tòm jơ hơ̆, Yàng Jesu geh hòn chò tòm Yàng Hwềng Goh mơ đơs lah: “Ơ Bèp la Yàng trồ tiah dê, Añ ưnngài Bèp, bơh Bèp neh pồn ală bơta do bơh di ală cau jak chài àng loh, mơ yal tơlik ală kơnòm dềt in. Ngan, ơ Bèp, bơh bơta hơ̆ niam nùs Bèp.

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 1:23

mơya bol he bơto yal bơh Bơtau Krist kong pơng hơđang chi pơng, be phan gơtup jơng gơwèt hơ cau Juda, gơwèt hơ cau làng bol bơdìh la bơta tùl gơla;

I Kôrintô 1:24

mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

I Kôrintô 1:25

Bơh bơta sền be tùl gơla Yàng Tom Trồ dê la jak chài rlau mơ kòn mơnus dê, mơ bơta lơi sền be lơbơn lơño Yàng Tom Trồ dê la pràn kơldang rlau mơ kòn mơnus.

I Kôrintô 1:27

Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

I Kôrintô 6:2

Oh mi ò git lah ală cau sàng goh rơp cahrña dunnia ò ơ? Mơ dilah dunnia kong oh mi cahrña, gen oh mi ò tơl bơta jak chài nàng cahrña ală broă dềt rhền rlau jơh ơ?

Galati 1:15

Mơya dơ̆ Yàng Tom Trồ, la Bơtau neh ơn is añ bơh tòm kơndul mè, mơ ai bơta nđàc hòi sac añ nàng duh broă Kơnràñ,

Galati 4:8

Mơya bơh yau òr oh mi ò git Yàng Tom Trồ, gen lơh gơs dĭ ală yàng dê mơya ngan ò di la Yàng.

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

Jakơ 5:15

Bơta hòi dan bơh bơta dòn rơp dong klàs cau kòp, Yàng rơp sơmbòi cau hơ̆ in; mơ dilah cau kòp gơs tìs glài, kung rơp geh toh.

Jakơ 5:20

gen pal git lah cau lơi tề lam cau glài rê wơl sang gùng tìs nrah, hơ̆ la dong hwềng soàn khai klàs bơh bơta chơt mơ jơm ndơp oă tồi glài.