I Kôrintô 1:20 - Sră Goh 2018

²⁰ Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 1:20 ပူးပေါင်းရင်းမြစ်များ

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 16:23

Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

Sră Jop 12:17

Ală cau kwang bơyai broă, lòt jơng gòi; Lơh ală cau kwang cahrña gơlik bơrngơl gơla.

Sră Jop 12:20

Kơnràñ tă tơlik cau chài đơs la ală cau geh dòn kơnòm; Mơ tă tơlik bơta dòp git ală cau kwang kra dê.

Sră Jop 12:24

Kơnràñ tơnroh bơta git wă ală cau at bồ tòm ù; Lơh bol khai in lòt lềng làng tòm tiah ngềt ngơt ò gơs gùng lòt.

Esai 33:18

Tòm ală bơta kơlôi sơnơng mê dê, mê rơp kơlôi bơta rngòt rngơt mơ lah: “Ntềng đah cau kwang kòp khà taih? Ntềng đah cau boh dia taih? Ntềng đah ală cau at bồ sền sơwì tiah kơp gàr taih?”

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Rôma 1:20

Ală bơta bơh Yàng Tom Trồ mơ mat òs ò rgơi gŏ, hơ̆ la gơnap gơnoar gam sùm sùm mơ nùs Yàng Kơnràñ dê, bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.

Rôma 1:22

Bol khai sơnđan is să he la jak chài, mơya gơlik gơs tùl gơla.

I Kôrintô 1:19

Bơh neh cih lah: “Añ rơp tơnroh bơta jak chài ală cau jak chài dê, Mơ Añ rơp tă sang bơta git wă ală cau bơtê oă dê.”

I Kôrintô 1:26

Ơ oh mi, sền sơwì tĕ bơta hòi sac oh mi dê, ò gơs oă cau tòm oh mi la jak chài jat sơnoa rnoas kòn mơnus dê, ò gơs oă cau gơs gơnoar pràn, ò gơs oă cau dờng màng.

I Kôrintô 1:27

Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,

I Kôrintô 1:28

Yàng Tom Trồ neh sac ală bơta dềt rhền, ală bơta kòl sền òsơp, mơ ală bơta ò gơs dunnia dê, nàng tơnroh ală bơta dunnia kơlôi la dờng màng,

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

I Kôrintô 2:8

Tòm ală cau at bồ rài do ò gơs dô nă cau lơi git bơta jak chài hơ̆, bơh dilah bol khai neh git gen bol khai ò pơng Yàng gơklŏ hơđang chi pơng.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

I Kôrintô 6:2

Oh mi ò git lah ală cau sàng goh rơp cahrña dunnia ò ơ? Mơ dilah dunnia kong oh mi cahrña, gen oh mi ò tơl bơta jak chài nàng cahrña ală broă dềt rhền rlau jơh ơ?

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.