I Kôrintô 1:2 - Sră Goh 2018

² pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 1:2 ပူးပေါင်းရင်းမြစ်များ

Sơnròp Gơlik Gơs 12:8

Bơh hơ̆, khai lòt tus hơ mơnơm đah mattơngai lik Betel, gen lơh sàl; đah mattơngai mut Betel, mơ đah mattơngai lik gơs Ahi. Khai lơh tềng hơ̆ dô nơm cơnòng duh khoai Yàng Jehôwa in mơ hòi dê sơnđan Kơnràñ.

Sơnròp Gơlik Gơs 4:26

Set kung tơnggơs dô nă kòn klau sơnđan la Enôs. Bơh tŭ hơ̆, kòn mơnus rơp sơntòm hòi dê sơnđan Yàng Jehôwa.

Đơs Crih 45:11

Gen bơtau rơp kòñ bơta hàng mơnĕ ai dê; Bơh khai la bơtau ai dê, cùn khoai tĕ khai.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 15:9

Kơnràñ ò di cah is bol he mơ cau làng bol bơdìh ò, mơya Kơnràñ toh glài bol khai in bơh bơta dòn.

Broă 18:1

Tơnơ̆ hơ̆ Pol lik bơh Athen lòt tus hơ Kôrintô.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 9:13

Anania ho lah: “Ơ Yàng, añ neh kơno oă cau yal bơh cau do neh lơh iơh oă di ală cau sàng goh Yàng dê tòm Jerusalem,

Broă 9:14

Tŭ do, cau hơ̆ ơm tềng do geh tơl gơnoar bơh ală cau gơnoar lam bồ ơn phan duh khoai nàng kup cap jơh ală cau hòi dan di sơnđan Kơnràñ.”

Broă 9:21

Cau lơi kơno jơnau khai gen ai lơh nrơt nrơl mơ đơs lah: “Ò di cau do neh tơnchơt ală cau hòi dan di sơnđan hơ̆ tòm Jerusalem, mơ kung lòt tus tềng do nàng cap bol khai hwài brê di đap ală cau gơnoar lam bồ ơn phan duh khoai ò ơ?”

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 12:27

Mơ tai, oh mi la să jan Bơtau Krist dê, mơ kòp nă cau la dô pơnah is.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Galati 1:2

Añ bal mơ jơh ală oh mi ơm bal mơ añ, pơyoa ală Hìu Jum Goh in tòm Galati:

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

II Tesalônika 1:1

Pol, Silbanus mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp bol he dê, mơ tòm Yàng Jesu Krist:

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

I Timôthe 3:15

rngòt dilah añ òbat tus, gen mê kung git lơh mbe lơi tòm hìu Yàng Tom Trồ, hơ̆ la Hìu Jum Goh Yàng Tom Trồ gam kis sùm dê, la jrong mơ mơnàng jơnau song dê.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

II Timôthe 2:22

Kung pleh tĕ dê nùs hàm kòñ is cau kơnòm să dê, nàng jòi jat bơta song ring, bơta dòn, bơta kòñ gơboh mơ bơta ring lơngai mơ dô nùs bal mơ ală cau gơs nùs sàng goh hòi dan mơ Yàng dong kòl.

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 13:12

Tài bơh hơ̆, tàng Yàng Jesu kung neh kong bòl glar jê sồt hơ bơdìh mpồng ƀòn nàng ai mhàm Kơnràñ dê lơh làng bol in gơlik gơs sàng goh.

Hebrơ 2:11

Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.