I Kôrintô 1:18 - Sră Goh 2018

¹⁸ Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 1:18 ပူးပေါင်းရင်းမြစ်များ

Broă 13:41

‘Ơ cau pơnhừ să! Nrơt nrơl mơ roh rui tĕ! Bơh tòm rài bol mê, Añ rơp lơh dô nơm broă, Bulah gơs cau yal wơl, bol mê kung ò dòn.’”

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:32

Dơ̆ kơno đơs bơh bơta kis wơl cau chơt dê, gen cau ƀà dơñŏ tơnhial, cau ƀà tai đơs lah: “Bol he kòñ iat ồng đơs jơnau do dô dơ̆ tai.”

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 15:2

Dilah oh mi prap kơ̆ jơnau añ neh bơto yal oh mi in, gen oh mi kung kơnòm di Jơnau Niam hơ̆ mơ geh dong klàs, dilah ò, gen bơta dòn oh mi dê la ò kwơ.

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Kôrintô 2:2

Bơh añ neh lơh nền lah ơm digùl oh mi añ ò git bơta lơi rlau mơ Yàng Jesu Krist, mơ Kơnràñ kong pơng di chi pơng.

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

II Kôrintô 10:4

Bơh ală phan tòmlơh bol hi ngui ò di bal mơ dunnia, mơya la gơnap gơnoar Yàng Tom Trồ dê nàng sòr tơrlah ală theng kơ̆ cê, bol hi sòr tơrlah ală bơta bơyai tìs nrah,

II Kôrintô 4:3

Dilah Jơnau Niam bol hi dê gam kìng ndơp, la mìng kìng ndơp ală cau kòl roh rui in lơm.

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

II Tesalônika 2:10

ngui jơh ală bơta blac pơrlồm ò song ring gơwèt mơ ală cau roh rui, tài bơh bol khai ò bài kòñ gơboh jơnau song nàng geh dong klàs.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.