I Kôrintô 1:12 - Sră Goh 2018

¹² Mơ añ kòñ đơs ală bơta oh mi đơs lah: “Añ gơrê mơ Pol;” hala “Añ gơrê mơ Apôlôs,” hala “Añ gơrê mơ Sepha,” hala “Añ gơrê mơ Bơtau Krist.”

I Kôrintô 1:12 ပူးပေါင်းရင်းမြစ်များ

I Ală Bơtau 16:21

Gen làng bol Israel cah bàr pơnah: nggùl làng bol jat Tipni, kòn klau Ghinat, mơ bơtào khai lơh gơs bơtau; nggùl ne jat Ômri.

Mathiơ 23:8

Mơya bol mê bañ lòi cau sơnđan bol mê la Rabi, bơh bol mê gơs mìng dô Bơtau la Cau Bơto, ai jơh ală bol mê la oh mi.

Jang 1:42

Gen khai lam Simôn lòt tus hơ Yàng Jesu. Yàng Jesu sền gŏ Simôn gen đơs lah: “Mê la Simôn, kòn Jôna dê, mê rơp geh sơnđan la Sepha,” (gơtha la Pier).

Broă 18:24

Tŭ hơ̆, gơs dô nă cau Juda sơnđan la Apôlôs, ƀòn tòm khai la Aleksandria lòt tus hơ Ephesô; khai la cau đơs jak mơ git wă Sră Goh sơl.

Broă 19:1

Tòm tŭ Apôlôs gam ơm tòm Kôrintô, Pol neh lòt làm jơh kơnhwàl gen tus hơ Ephesô, tìp dô êt nă cau bơtê ơm tềng hơ̆,

I Kôrintô 1:11

Ơ oh mi añ jê, gơs cau tòm hìu Klôe neh yal añ in lah digùl oh mi gơs bơta ò gơtòmsòr bal.

I Kôrintô 15:5

mơ Kơnràñ neh tơlik să mơ Sepha, tơnơ̆ tơlik să mơ jơt bàr nă cau gơnoar bơto dờng.

I Kôrintô 15:50

Ơ oh mi, añ đơs be do lah poac mơ mhàm ò geh pơrdòn lơgar Yàng Tom Trồ; bơta òs ồm lề kung ò geh pơrdòn bơta ò ồm lề.

I Kôrintô 16:12

Ai bơh Apôlôs la oh mi he, añ neh jơh nùs chồl khai lòt bal mơ ală oh mi hơ̆ nàng tus còp oh mi, mơya tŭ do khai ò bài lòt; tòm tŭ Yàng ai tŭ lơmpah, gen khai rơp lòt tus.

I Kôrintô 4:6

Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

I Kôrintô 7:29

Behơ̆, ơ oh mi, añ đơs be do: Tŭ tơngai neh liah, bơh do jơl hìng nau ală cau gơs bau pal lơh be ò gơs;

I Kôrintô 9:5

Bol hi ò geh gơnoar lam bau ùr lòt bal, kung be ală cau gơnoar bơto dờng ndai, ală oh mi Yàng dê mơ Sepha sơl ơ?

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

II Kôrintô 9:6

Kah tĕ lah: cau sih dô êt gen toès dô êt, cau sih oă gen toès oă.

Galati 2:9

gen Jakơ, Sepha, Jang, la ală cau neh geh sền be ală cau gơnoar lam bồ, mơ bol khai git đal bơta nđàc neh ai añ in, at tê ma mơ añ bal mơ Banaba nàng gơs bơta tòmklac bal, tồ bol hi in lòt tus hơ làng bol bơdìh, ai bol khai gen lòt tus hơ ală cau siat gơltau.

Galati 3:17

Behơ̆ gen añ đơs lah: Jơnau ho bal mơ Yàng Tom Trồ neh lơh nền lài òr, gen ò geh sang lòi tài bơh bơta boh lam, la bơta gơs tơnơ̆ mơ jơnau ho bal poan rhiang pe jơt nam. Bơta boh lam ò di lơh jơnau ho pơgon gơlik gơs ò kwơ.