I Jang 5:3 - Sră Goh 2018

³ Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.

I Jang 5:3 ပူးပေါင်းရင်းမြစ်များ

II Ală Bơtau 18:6

Khai đềt mềr mơ Yàng Jehôwa; ò sang lòi Kơnràñ, mơya prap gàr ală bơta sồr lam mơ Yàng Jehôwa neh nting sồr Môise in.

Đơs Crih 119:140

Jơnau ho pơgon Yàng dê niam ngan, mơ cau duh broă Yàng dê kòñ gơboh di jơnau hơ̆.

Đơs Crih 119:45

Añ rơp cơnđòa lòt khat gơboh, Bơh añ neh jòi jat ală jơnau sồr Yàng dê.

Lik Ejiptơ 20:6

mơya rơp yal tơlik bơta kòñ gơboh jơl tus rbô rài gơwèt hơ ală cau kòñ gơboh di Añ mơ prap gàr ală bơta sồr lam Añ jê.

Jơnau Pơnđik 3:17

Ală gùng lòt gơ dê la gùng hòn chò hừh hơh, Mơ jơh ală gùng hơ̆ la lơngap lơngai.

Daniel 9:4

Behơ̆, añ hòi dan mơ Jehôwa Yàng Tom Trồ añ jê, yal glài mơ đơs lah: “Ơ Yàng la Yàng Tom Trồ dờng rlau jơh mơ pal rơm să rngòt, Kơnràñ prap gàr jơnau ho bal tòm bơta kòñ gơboh kơ̆ dơn gơwèt hơ ală cau kòñ gơboh dê Kơnràñ mơ lơh jat ală bơta sồr lam Kơnràñ dê.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mathiơ 23:4

Bol khai kơt mơ dap ală phan àñ kơnjơ̆ hơđang pơnì cau; mơya să tòm bol khai ò bài ƀư mơ ràs tê.

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Jang 15:10

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Rôma 7:12

Gen behơ̆ bơta boh lam la sàng goh, mơ bơta sồr lam kung la sàng goh, song ring mơ niam sơl.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

Yal Wơl 5:10

mơya ràng tơlik bơta kòñ gơboh rbô rài ală cau in kòñ gơboh di Añ mơ prap gàr ală bơta sồr lam Añ jê.

Yal Wơl 7:9

Gen tàng, dòp git tĕ Jehôwa Yàng Tom Trồ bol mê dê la Yàng Tom Trồ: Kơnràñ la Yàng Tom Trồ lơh jat jơnau ho Kơnràñ dê, prap gàr bơta ho bal kòñ gơboh Kơnràñ dê tus di rbô rài ală cau in kòñ gơboh di Kơnràñ mơ prap gàr ală bơta sồr lam Kơnràñ dê.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

II Jang 1:6

Bơta kòñ gơboh hơ̆ la bol he lơh jat ală bơta sồr lam Yàng dê; bơta sồr lam hơ̆ be oh mi neh kơno bơh sơnròp, la pal kis tòm bơta kòñ gơboh.