I Jang 5:16 - Sră Goh 2018

¹⁶ Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.

I Jang 5:16 ပူးပေါင်းရင်းမြစ်များ

Sơnròp Gơlik Gơs 20:17

Abraham hòi dan mơ Yàng Tom Trồ gen Kơnràñ sơmbòi bơtau Abimelek, bau khai, mơ ală dĭ ùr khai in, behơ̆ bol khai deh kòn wơl.

Sơnròp Gơlik Gơs 20:7

Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”

Đơs Crih 106:23

Gen tàng Kơnràñ đơs lah Kơnràñ rơp tơnroh bol khai. Mơya Môise, la cau Kơnràñ sac rwah, ntào di đap Kơnràñ ala bol khai, Mơ dan Kơnràñ wèt ngài bơta gơjrañ dờng Kơnràñ dê bơh bơta tơnroh bol khai.

Lik Ejiptơ 34:9

Khai đơs lah: “Khoai Yàng Jehôwa, dilah añ geh bơta nđàc di đap Yàng, gen dan Yàng Jehôwa lòt bal mơ bol hi. Bulah làng bol do la dô nơm làng bol kơldang bồ, dan toh bơta iơh bơsak mơ tồi glài bol hi dê, mơ dan dòp bol hi lơh gơs sre brê Kơnràñ dê.”

Jeremi 11:14

Ai đah mơ mê, bañ hòi dan ala làng bol do in; bañ bơh bol khai ai jơnau rac dan hòi dan; bơh Añ rơp ò iat tòm tŭ bol khai hòi tus hơ Añ tòm bơta rung rài bol khai dê.

Jeremi 14:11

Yàng Jehôwa đơs tai mơ añ lah: “Bañ hòi dan bơta lơngai làng bol do in.

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Khà Làng Bol 12:13

Behơ̆ Môise hòi dan mơ Yàng Jehôwa lah: “Ơ Yàng Tom Trồ, dan sơmbòi khai in!”

Khà Làng Bol 15:30

Mơya cau lơi kư̆ kòñ tìs glài, bulah la cau deh tòm lơgar hala cau làng bơdìh, đơs tràl sơrbil di Yàng Jehôwa, gen cau hơ̆ pal kong tă sang bơh di làng bol khai dê.

Luka 12:10

Dilah cau lơi đơs tòmdră di Kòn Mơnus gen rơp geh toh, mơya cau lơi đơs tràl sơrbil di Yàng Hwềng Goh gen ò geh toh ò.

Jang 17:9

Añ bơh bol khai mơ hòi dan; ò di bơh dunnia mơ hòi dan, mơya bơh cau mơ Bèp neh ai Añ in, tài bơh bol khai bal mơ Bèp.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

I Jang 5:17

Jơh ală bơta lơh tìs la tồi glài, mơya gơs glài ò di pal chơt.

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 2:25

Dilah dô nă cau tìs glài tòmdră mơ dô nă cau ndai, gen gơs cau đơs ala cau glài hơ̆ mơ Yàng Jehôwa; mơya dilah dô nă cau tìs glài tòmdră mơ Yàng Jehôwa gen ñcau rơp đơs ala khai in taih?” Bulah behơ̆, bol khai ò bài iat jơnau bèp bol khai dê, bơh hơ̆ la nùs kòñ Yàng Jehôwa dê nàng tơnchơt bol khai.