I Jang 5:13 - Sră Goh 2018

¹³ Añ cih bơta do oh mi in, la cau dòn di sơnđan Kòn Yàng Tom Trồ dê, tồ oh mi in git he gơs bơta kis gam sùm sùm

I Jang 5:13 ပူးပေါင်းရင်းမြစ်များ

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Jang 2:23

Kơnràñ ơm tòm Jerusalem tòm tŭ pơjum sa Lòt Gan, gơs oă cau gŏ ală tềl krơi Kơnràñ neh lơh, gen dòn di sơnđan Kơnràñ.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 21:24

Hơ̆ la să tòm cau bơtê hơ̆ lơh cơng bơh ală bơta do mơ neh cih ală bơta do; bol he git jơnau lơh cơng khai dê la song ngan.

Jang 3:18

Cau lơi dòn Kòn gen ò kòl cahrña ò; cau lơi ò dòn gen neh kòl cahrña rau, tài bơh ò dòn di sơnđan Kòn Dùl Yàng Tom Trồ dê.

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Broă 3:16

Bơh bơta dòn tòm sơnđan Kơnràñ neh lơh cau do in pràn kơldang la cau ală oh mi gŏ mơ git; bơh sơnđan Kơnràñ mơ bơta dòn di Yàng Jesu neh lơh cau do in geh bơta pràn kơldang wil tơl be jơh ală oh mi neh gŏ.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

I Pier 5:12

Kơnòm di Silwan, la cau añ sền kung be dô nă oh mi dòn song, añ cih dô êt jơnau do nàng bơto tơngkah oh mi mơ lơh cơng lah do la bơta nđàc song ngan Yàng Tom Trồ dê; oh mi pal ơm kơ̆ tòm bơta nđàc hơ̆.

I Jang 1:4

Bol hi cih ală bơta do nàng bơta hòn chò bol he dê geh wil tơl.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

I Jang 2:21

Añ neh cih ală bol mê in, ò di tài bơh bol mê ò git jơnau song, mơya tài bơh bol mê git jơnau song, mơ git lah ò gơs bơta blac chừt lơi gơlik bơh jơnau song.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:9

Bơta kòñ gơboh Yàng Tom Trồ dê neh geh ràng tơlik bol he in tòm bơta do: Yàng Tom Trồ neh sồr Kòn Dùl Kơnràñ dê lòt tus tòm dunnia, nàng bol he in kơnòm di Kơnràñ mơ geh kis.

I Jang 5:10

Cau lơi dòn di Kòn Yàng Tom Trồ, gen gơs jơnau lơh cơng hơ̆ tòm să tòm he; ai cau lơi ò dòn Yàng Tom Trồ, gen kòp Kơnràñ be la cau đơs blac, tài bơh ò dòn jơnau Yàng Tom Trồ neh lơh cơng bơh Kòn Kơnràñ dê.

I Jang 5:11

Jơnau lơh cơng hơ̆ la Yàng Tom Trồ neh ai bơta kis gam sùm sùm bol he in, mơ bơta kis hơ̆ ơm tòm Kòn Kơnràñ.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.