I Jang 5:10 - Sră Goh 2018

¹⁰ Cau lơi dòn di Kòn Yàng Tom Trồ, gen gơs jơnau lơh cơng hơ̆ tòm să tòm he; ai cau lơi ò dòn Yàng Tom Trồ, gen kòp Kơnràñ be la cau đơs blac, tài bơh ò dòn jơnau Yàng Tom Trồ neh lơh cơng bơh Kòn Kơnràñ dê.

I Jang 5:10 ပူးပေါင်းရင်းမြစ်များ

Sră Jop 24:25

Dilah ò behơ̆, ñcau rơp lơh cơng añ đơs blac, Mơ sơnio lah jơnau đơs añ jê gơlik ò kwơ?”

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Jơnau Pơnđik 3:32

Bơh cau rkwet rkwe la cù kìr di mat Yàng Jehôwa, Mơya cau song ring geh Kơnràñ dòn kơnòm.

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:18

Cau lơi dòn Kòn gen ò kòl cahrña ò; cau lơi ò dòn gen neh kòl cahrña rau, tài bơh ò dòn di sơnđan Kòn Dùl Yàng Tom Trồ dê.

Jang 3:33

Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Jang 5:38

Mơ jơnau Kơnràñ dê ò ơm tòm bol mê, bơh bol mê ò dòn Bơtau mơ Kơnràñ neh sồr lòt tus.

Broă 8:37

Philip đơs lah: Dilah ồng jơh nùs dòn gen di. Cau kwang kơndời ho lah: Añ dòn Yàng Jesu Krist la Kòn Yàng Tom Trồ dê.]

Rôma 8:16

Să tòm Yàng Hwềng mơ hwềng nùs bol he dê lơh cơng lah bol he la kòn sau Yàng Tom Trồ dê.

Galati 4:1

Añ đơs lah cau pơrdòn bulah khai geh gơnoar hơđang jơh ală phan mơna, mơya tòm tŭ gam dềt gen kung ò gơkrơi be cau dĭ sơl;

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

II Pier 1:19

Bol he gơs ală jơnau đơs hwơr sơlo kơ̆ nền rlau tai. Oh mi pal kơlôi nền bơh jơnau hơ̆, be ồs đèng pơnđàng sòl tòm tiah klam jơngo jơl tus di tŭ rìng àng, mơ sơmañ bềng àng drim lik tòm nùs oh mi dê.

I Jang 1:10

Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

Yal Tơlik 2:17

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai khai in mana gam pồn ndơp, mơ Añ rơp ai khai in dô nơm pơnai lŭ bò, hơđang lŭ hơ̆ gơs cih dô nơm sơnđan pa, rlau mơ cau dòp gơ gen ò gơs cau lơi git.’”

Yal Tơlik 2:28

mơ Añ rơp ai khai in sơmañ àng drim.