I Jang 4:8 - Sră Goh 2018

⁸ Cau lơi ò kòñ gơboh gen ò dòp git Yàng Tom Trồ; bơh Yàng Tom Trồ la bơta kòñ gơboh.

I Jang 4:8 ပူးပေါင်းရင်းမြစ်များ

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Ephesô 2:4

Mơya Yàng Tom Trồ la Bơtau gơs bềng lìu bơta kòñ sơngit, bơh bơta kòñ gơboh dờng Kơnràñ dê mơ Kơnràñ neh kòñ gơboh di bol he,

Hebrơ 12:29

bơh Yàng Tom Trồ bol he dê la be ồs chu pơrguc.

I Jang 1:5

Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.

I Jang 2:4

Cau lơi đơs: “Añ dòp git Kơnràñ,” mơya ò lơh jat bơta sồr lam Kơnràñ dê, gen khai la cau đơs blac, jơnau song ò ơm tòm khai.

I Jang 2:9

Cau lơi đơs lah he ơm tòm bơta àng, mơ gơjrañ kơuềng di oh mi he, gen gam ơm tòm bơta klam jơngo.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:6

Cau lơi ơm sùm tòm Kơnràñ gen ò tìs glài, ai cau lơi tìs glài gen ò tŭ lơi gŏ Kơnràñ mơ kung òhềt dòp git Kơnràñ sơl.

I Jang 4:16

Bol he git mơ dòn Yàng Tom Trồ gơs bơta kòñ gơboh gơwèt mơ bol he. Yàng Tom Trồ la bơta kòñ gơboh, cau lơi ơm sùm tòm bơta kòñ gơboh la ơm sùm tòm Yàng Tom Trồ, mơ Yàng Tom Trồ ơm sùm tòm cau hơ̆.

I Jang 4:7

Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.