I Jang 4:6 - Sră Goh 2018

⁶ Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.

I Jang 4:6 ပူးပေါင်းရင်းမြစ်များ

II Yal Yau 18:21

Khai đơs lah: ‘Añ rơp lòt mơ lơh gơs dô nơm hwềng đơs blac tòm bơr jơh ală cau gơnoar hwơr Ahap dê.’ Yàng Jehôwa đơs lah: ‘Mê rơp lòt ơniai khai mơ mê rơp geh pha. Lòt tĕ mơ lơh bơta hơ̆.’

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Sră Ôse 4:12

Bol khai hòi lùp mơ dô gơl chi, gen geh ho wơl bơh dô nơm gai gơ dê. Nùs nhơm rềs àr lam bol khai lòt tìs nrah, mơ bol khai ò dòn song mơ Yàng Tom Trồ bol khai dê.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 10:3

Cau kơp mpồng pò khai in, belàt kơno jơnau đơs cau ê dê; cau ê hòi sơnđan belàt khai dê mơ lam gơlik hơ tiah.

Jang 13:20

Di ngan, di ngan, Añ đơs mơ bol mê, cau lơi wă rò cau lơi Añ sồr lòt tus, hơ̆ la wă rò Añ; mơ cau lơi wă rò Añ, hơ̆ la wă rò Bơtau neh sồr Añ lòt tus.”

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

Jang 8:23

Yàng Jesu ho lah: “Bol mê lik bơh hơđơm, ai Añ bơh hơđang. Bol mê lik bơh dunnia do, ai Añ ò di lik bơh dunnia do.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 11:8

be neh cih lah: “Yàng Tom Trồ neh ai bol khai in hwềng nùs ò git kơlôi, Mat ò gŏ, tồr ò kơno jơl tus di ngai do.”

I Kôrintô 14:37

Dilah cau lơi kơlôi is să he la cau gơnoar hwơr Yàng Tom Trồ dê hala gơs bơta ai gòi đah hwềng, gen git tĕ ală jơnau añ cih oh mi in do la jơnau sồr Yàng dê.

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

I Timôthe 4:1

Yàng Hwềng yal loh làng lah tòm tŭ tơngai lồi dut gơs cau ƀà rơp sang lòi bơta dòn mơ iat ală cà pơrlồm ơniai, mơ iat bơta bơto sồr gùng duh khoai cà dê,

II Pier 3:2

tồ oh mi in kah jơnau ală cau gơnoar hwơr sàng goh neh đơs lài, mơ bơta sồr lam Yàng dê la Yàng Dong Klàs neh kơnòm di ală cau gơnoar bơto dờng oh mi dê yal wơl.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.

I Jang 4:8

Cau lơi ò kòñ gơboh gen ò dòp git Yàng Tom Trồ; bơh Yàng Tom Trồ la bơta kòñ gơboh.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Jude 1:17

Mơya, ơ ală oh mi kòñ gơboh, kah tĕ jơnau ală cau gơnoar bơto dờng Yàng Jesu Krist dê neh đơs lài.