I Jang 4:21 - Sră Goh 2018

²¹ Bol he neh dòp bơh Kơnràñ bơta sồr lam do: Cau lơi kòñ gơboh di Yàng Tom Trồ gen kung pal kòñ gơboh di oh mi he sơl.

I Jang 4:21 ပူးပေါင်းရင်းမြစ်များ

Lebi 19:18

Bañ jòi jat bơta sal tê hala prap tòm nùs bơta gơjrañ mañ tòmdră mơ dô nă cau tòm làng bol mê dê, mơya kòñ gơboh tĕ cau gơp ƀòn mê dê be să tòm mê. Añ la Yàng Jehôwa.

Mathiơ 5:43

“Bol mê neh kơno đơs lah: ‘Kòñ gơboh tĕ di cau gơp he, mơ gơjrañ kơuềng tĕ di cau sò tơm.’

Luka 10:37

Khai ho lah: “Hơ̆ la cau neh yal tơlik nùs kòñ nđàc di khai.” Yàng Jesu đơs lah: “Lòt tĕ lơh jat behơ̆.”

Jang 15:12

Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê.

Galati 5:14

Bơh jơh ală bơta boh lam geh crap wơl tòm dô jơnau do: “Mê kòñ gơboh tĕ di cau gơp ƀòn he be he.”

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 3:11

Do la jơnau bơto yal mơ oh mi neh kơno bơh sơnròp: Hơ̆ la bol he pal kòñ gơboh bal mơ gơp.

I Jang 3:14

Bol he git lah he neh tiă rlau di bơta chơt mơ lòt tus hơ bơta kis, tài bơh bol he kòñ gơboh di oh mi he. Ai cau lơi ò kòñ gơboh gen kư̆ ơm tòm bơta chơt.

I Jang 3:18

Ơ ală kòn añ jê, bañ kòñ gơboh mìng bơh jơnau đơs mơ bơh lơmpiat lơm, mơya bơh broă lơh mơ jơnau song.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:11

Ơ ală cau kòñ gơboh, dilah Yàng Tom Trồ neh kòñ gơboh di bol he oă behơ̆, gen bol he kung pal kòñ gơboh bal mơ gơp.