I Jang 4:17 - Sră Goh 2018

¹⁷ Bơh hơ̆ bơta kòñ gơboh geh wil tơl tòm bol he, tồ bol he in gơs nùs khin cha tòm ngai cahrña, tài bơh Kơnràñ la be lơi gen bol he kung behơ̆ sơl tòm dunnia do.

I Jang 4:17 ပူးပေါင်းရင်းမြစ်များ

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Mathiơ 11:22

Mơya Añ đơs mơ bol mê, tòm ngai cahrña, Tirơ mơ Sidôn rơp kong nggòc rlau mơ bol mê.

Mathiơ 11:24

Mơya Añ đơs mơ bol mê, tòm ngai cahrña, Sôdôm rơp kong nggòc rlau mơ mê.”

Mathiơ 12:36

Añ đơs mơ bol mê, tòm ngai cahrña, cau rơp yal wơl kòp jơnau ò kwơ mơ bol khai neh đơs.

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Jang 17:22

Añ neh ai bol khai in bơta gơklŏ mơ Bèp neh ai Añ in, nàng bol khai gơs dô bă bol kung be Bol He la dô bă bal.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Jakơ 2:22

Behơ̆ gen, mê gŏ bơta dòn lòt bal mơ broă lơh khai dê, mơ kơnòm di broă lơh gen sồng bơta dòn geh wil tơl.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.

I Jang 3:7

Ơ ală kòn sau añ jê, bañ lòi cau lơi pơrlồm bol mê: Cau lơi lơh bơta song ring la song ring be Yàng la song ring.

I Jang 4:12

Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.