I Jang 4:12 - Sră Goh 2018

¹² Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.

I Jang 4:12 ပူးပေါင်းရင်းမြစ်များ

Sơnròp Gơlik Gơs 32:30

Jakôp sơnđan tiah hơ̆ la Peniel bơh khai đơs lah: “Añ neh gŏ tòm toh mat mơ Yàng Tom Trồ mơ bơta kis añ jê gam geh dong klàs.”

Lik Ejiptơ 33:20

Mơya mê ò rgơi sền gŏ muh mat Añ, bơh ò gơs cau lơi rgơi sền gŏ muh mat añ mơ gam kis.”

Khà Làng Bol 12:8

Añ tòmbơhbơr tòm toh mat mơ khai, đơs loh làng ò đơs jơnau jrô ndơp; khai sền gŏ rùp să Yàng Jehôwa. Behơ̆ ñchi bơh tài bol mê ò rngòt đơs jơnau tòmdră mơ Môise la cau duh broă Añ taih?”

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

I Kôrintô 13:13

Tŭ do gam pe bơta do: Bơta dòn, bơta gơn kơnòm, mơ bơta kòñ gơboh; mơya bơta dờng màng rlau jơh la bơta kòñ gơboh.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

I Jang 3:24

Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.

I Jang 4:16

Bol he git mơ dòn Yàng Tom Trồ gơs bơta kòñ gơboh gơwèt mơ bol he. Yàng Tom Trồ la bơta kòñ gơboh, cau lơi ơm sùm tòm bơta kòñ gơboh la ơm sùm tòm Yàng Tom Trồ, mơ Yàng Tom Trồ ơm sùm tòm cau hơ̆.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Jang 4:6

Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.