I Jang 3:5 - Sră Goh 2018

⁵ Mơya oh mi git lah Kơnràñ neh tơlik să nàng tă sang tồi glài; tòm Kơnràñ ò gơs tồi glài lơi.

I Jang 3:5 ပူးပေါင်းရင်းမြစ်များ

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Luka 23:41

Bol he kong be do la song ngan, bơh he kong sal wơl tòm toh be broă he lơh, mơya cau do ò lơh dô bơta lơi tìs ò.”

Luka 23:47

Cau at dô rhiang ling gŏ bơta neh gơlik gơs, gen jòng ro Yàng Tom Trồ mơ đơs lah: “Do ngan la cau song ring.”

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 1:31

Añ ò git Kơnràñ, mơya añ neh lòt tus lơh ƀaptem mơ dà, nàng Kơnràñ in geh yal tơlik làng bol Israel in.”

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 8:46

Gơs cau tòm bol mê rgơi kup glài Añ taih? Dilah Añ đơs jơnau song, gen ñchi bơh tài bol mê ò dòn Añ?

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.

I Pier 2:22

“Kơnràñ ò tìs glài, Tòm bơr Kơnràñ ò gơs bơta lac lèo.”

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 2:29

Dilah bol mê git Yàng Jesu Krist la song ring, gen bol mê git nền lah kòp nă cau lơi lơh jat bơta song ring, hơ̆ la kòn Yàng Tom Trồ.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,