I Jang 3:24 - Sră Goh 2018

²⁴ Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.

I Jang 3:24 ပူးပေါင်းရင်းမြစ်များ

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

II Timôthe 1:14

Kơnòm tĕ di Yàng Hwềng Goh ơm tòm bol he nàng kơrmap gàr bơta niam neh jào mê in rau.

I Jang 2:24

Bơta bol mê neh kơno bơh sơnròp gen pal prap sùm tòm nùs bol mê. Dilah bơta bol mê neh kơno bơh sơnròp ơm sùm tòm bol mê, gen bol mê kung rơp ơm sùm tòm Yàng Kòn mơ tòm Yàng Bèp sơl.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.

I Jang 3:22

mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.

I Jang 4:7

Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.