I Jang 3:22 - Sră Goh 2018

²² mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.

I Jang 3:22 ပူးပေါင်းရင်းမြစ်များ

Sră Jop 22:26

Gen ồng rơp geh hòn chò di Bơtau Gơnap Gơnoar Làm Jơh, Mơ rơp pò mat ồng dê tơnggòr hơ Yàng Tom Trồ.

Đơs Crih 10:17

Ơ Yàng Jehôwa, Kơnràñ rơp kơno jơnau kơp kòñ cau niam lơnhơn dê; Yàng rơp lơh nùs bol khai in kơ̆ cê, mơ kung rơp ai tồr iat,

Đơs Crih 34:4

Añ neh jòi jat Yàng Jehôwa, Kơnràñ ho wơl añ, Mơ dong tă añ bơh di jơh ală bơta rngòt rngơt.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Jơnau Pơnđik 15:29

Yàng Jehôwa ơm ngài mơ cau iơh; Mơya Kơnràñ iat jơnau hòi dan cau song ring dê.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 21:22

Tòm tŭ hòi dan, dilah dòn gen ngan rơp dòp geh jơh ală bơta bol mê dan.”

Jơnau Niam Jat Mak 11:24

Tài bơh hơ̆ tàng Añ đơs mơ bol mê, jơh ală bơta lơi bol mê dan tòm tŭ hòi dan, dòn tĕ la neh geh gen ngan bol mê rơp geh bơta hơ̆.

Jang 14:13

Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Jang 15:10

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 6:29

Yàng Jesu ho lah: “Broă Yàng Tom Trồ dê hơ̆ la bol mê dòn Bơtau mơ Kơnràñ neh sồr lòt tus.”

Jang 8:29

Bơtau neh sồr Añ lòt tus gam ơm sùm sùm mơ Añ, ò lòi Añ ơm is; tài bơh Añ lơh ală bơta niam nùs Kơnràñ sùm.”

Jang 9:31

Bol he git lah Yàng Tom Trồ ò dòp jơnau cau glài dê, mơya dilah cau lơi duh rngòt di Kơnràñ mơ lơh jat nùs kòñ Kơnràñ dê, gen Kơnràñ iat jơnau khai dê.

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Jakơ 4:3

Oh mi hòi dan mơ ò dòp geh tài bơh dan tìs jơnau, nàng ngui jat nùs hàm kòñ is he dê.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 5:14

Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.