I Jang 3:21 - Sră Goh 2018

²¹ Ơ ală cau kòñ gơboh, dilah nùs bol he ò lơh nền glài he, gen bol he gơs kơ̆ nùs di đap Yàng Tom Trồ,

I Jang 3:21 ပူးပေါင်းရင်းမြစ်များ

Sră Jop 22:26

Gen ồng rơp geh hòn chò di Bơtau Gơnap Gơnoar Làm Jơh, Mơ rơp pò mat ồng dê tơnggòr hơ Yàng Tom Trồ.

Sră Jop 27:6

Añ rơp sơmbat kơ̆ bơta song ring añ jê, mơ ò lòi gơ in lòt; nùs añ rơp ò lah pơrhơng añ tòm ală ngai rài kis añ.

Đơs Crih 101:2

Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

Rôma 14:22

Mê dòn be lơi, gen prap gàr tĕ behơ̆ digùl mê mơ Yàng Tom Trồ. Lơngai cau lơi in ò lơh nền glài să tòm khai in tòm bơta khai neh sơwì nền la di.

I Kôrintô 4:4

Bơh añ ò gŏ bơta lơi tìs mơ să tòm añ, mơya añ ò kơnòm di bơta hơ̆ nàng geh kòp la song ring. Bơtau cahrña añ hơ̆ la Yàng.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 3:20

dilah nùs bol he lơh nền glài he, gen Yàng Tom Trồ la dờng rlau mơ nùs he dê, mơ Kơnràñ git jơh ală bơta.

I Jang 4:17

Bơh hơ̆ bơta kòñ gơboh geh wil tơl tòm bol he, tồ bol he in gơs nùs khin cha tòm ngai cahrña, tài bơh Kơnràñ la be lơi gen bol he kung behơ̆ sơl tòm dunnia do.

I Jang 5:14

Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.