I Jang 3:17 - Sră Goh 2018

¹⁷ Dilah cau lơi gơs phan mơna dunnia dê, mơ gŏ oh mi he rƀah lơòi, mơ ò gơs nùs ơnàng, gen nùs kòñ gơboh Yàng Tom Trồ dê mbe rgơi ơm tòm cau hơ̆ taih?

I Jang 3:17 ပူးပေါင်းရင်းမြစ်များ

Jơnau Pơnđik 12:10

Cau song ring sền gàr bơta kis phan poan jơng he; Ai bơta sơnđàc sơngit cau iơh dê la iơh rmơh.

Jơnau Pơnđik 14:31

Cau rồn bơklơn cau rƀah sền òsơp Bơtau crơng gơs he; Ai cau lơi nđàc sơngit cau rƀah rƀừp sền dờng màng di Kơnràñ.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 21:13

Cau lơi sềt tồr ò bài iat jơnau hòi driau cau rƀah lơòi dê, cau hơ̆ hòi driau kung rơp ò gơs cau lơi ho wơl.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Luka 3:11

Khai ho lah: “Cau lơi gơs bàr blah ào, tòmpà tĕ cau ò gơs in; mơ cau lơi gơs phan sa, kung lơh tĕ behơ̆ sơl.”

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Jakơ 2:15

Dilah gơs oh mi hala ruh lŏ lơi ò gơs ồi ào soh, siơ̆u phan sa kòp ngai,

Jakơ 2:16

mơ gơs dô nă cau tòm oh mi đơs mơ bol khai lah: “Lòt tĕ lơngap lơngai, ñjơr tĕ tồ ram mơ sa tĕ tồ hòm;” mơya ò pà bol khai in phan ngui sa đah poac să, gen ñchi kwơ taih?

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.