I Jang 3:14 - Sră Goh 2018

¹⁴ Bol he git lah he neh tiă rlau di bơta chơt mơ lòt tus hơ bơta kis, tài bơh bol he kòñ gơboh di oh mi he. Ai cau lơi ò kòñ gơboh gen kư̆ ơm tòm bơta chơt.

I Jang 3:14 ပူးပေါင်းရင်းမြစ်များ

Đơs Crih 16:3

Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

Jơnau Pơnđik 21:16

Cau lơi tìs nrah bơh gùng àng loh, rơp ơm bal mơ mpồl cau chơt,

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Luka 15:24

Bơh kòn añ do neh chơt mơ kis wơl, neh roh mơ geh bàn wơl.’ Chòp bol khai sơntòm sa chò hòp.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 7:5

bơh khai kòñ gơboh di làng bol he dê, mơ să tòm khai neh bơt bơtào hìu jum bol he in.”

Jang 13:35

Dilah bol mê gơs bơta kòñ gơboh bal mơ gơp, gen bơh bơta hơ̆ jơh tơl nă cau rơp git bol mê la cau bơtê Añ jê.”

Jang 15:12

Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê.

Jang 15:17

Añ bơto sồr bol mê ală bơta hơ̆, nàng bol mê kòñ gơboh bal mơ gơp.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 1:15

Tài behơ̆, tơnơ̆ mơ tŭ añ neh kơno bơh oh mi gơs bơta dòn di Yàng Jesu, mơ bơta kòñ gơboh oh mi dê gơwèt mơ jơh ală cau sàng goh,

Ephesô 2:1

Oh mi neh chơt tòm bơta tìs glài mơ tồi glài oh mi dê,

Ephesô 2:5

tian gơs tòm tŭ he chơt tòm ală bơta tìs glài he dê, gen Kơnràñ neh lơh bol he in kis bal mơ Bơtau Krist hơ̆ la kơnòm di bơta nđàc mơ oh mi geh dong klàs.

Kôlôse 1:4

bơh bol hi neh kơno bơh bơta dòn oh mi dê tòm Yàng Krist Jesu mơ bơh bơta kòñ gơboh oh mi dê gơwèt mơ jơh ală cau sàng goh;

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

Hebrơ 13:1

Gơs tĕ nùs kòñ gơboh sùm bal mơ gơp be oh mi tòm Bơtau Krist.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

II Pier 1:7

bơtơl bơta gơboh gơbài di oh mi hơđang bơta duh rngòt, bơtơl nùs kòñ gơboh hơđang bơta gơboh gơbài di oh mi.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:12

Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.

I Jang 5:13

Añ cih bơta do oh mi in, la cau dòn di sơnđan Kòn Yàng Tom Trồ dê, tồ oh mi in git he gơs bơta kis gam sùm sùm

I Jang 5:2

Bơh bơta do bol he git he kòñ gơboh di ală kòn Yàng Tom Trồ dê, hơ̆ la tòm tŭ bol he kòñ gơboh di Yàng Tom Trồ mơ lơh jat ală bơta sồr lam Kơnràñ dê.