I Jang 2:8 - Sră Goh 2018

⁸ Bulah behơ̆ añ kung cih oh mi in dô bơta sồr lam pa, la bơta song ngan tòm Yàng Jesu Krist mơ tòm oh mi sơl, tài bơh bơta klam jơngo neh roh rau, mơ bơta àng ngan neh sòl pơnđàng.

I Jang 2:8 ပူးပေါင်းရင်းမြစ်များ

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 36:9

Bơh croh dà bơta kis la bal mơ Kơnràñ; Kơnòm di bơta àng Kơnràñ dê, bol hi gŏ bơta àng.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Esai 9:2

Làng bol lòt tòm tiah klam jơngo neh gŏ bơta àng dờng; mơ bơta àng neh sòl hơđang ală cau tòm lơgar hơđơm mƀur bơta chơt dê.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 13:34

Añ ai bol mê in dô bơta sồr lam pa, hơ̆ la bol mê kòñ gơboh tĕ bal mơ gơp; Añ neh kòñ gơboh di bol mê be lơi, gen bol mê kung kòñ gơboh tĕ bal mơ gơp behơ̆ sơl.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 13:12

Mơnang mòr jơh, tơngai mòr tus; behơ̆ bol he hồ sang tĕ ală broă klam jơngo mơ soh ală phan tòmlơh bơta àng dê.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:11

Ơ ală cau kòñ gơboh, dilah Yàng Tom Trồ neh kòñ gơboh di bol he oă behơ̆, gen bol he kung pal kòñ gơboh bal mơ gơp.

I Jang 4:21

Bol he neh dòp bơh Kơnràñ bơta sồr lam do: Cau lơi kòñ gơboh di Yàng Tom Trồ gen kung pal kòñ gơboh di oh mi he sơl.