I Jang 2:5 - Sră Goh 2018

⁵ Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

I Jang 2:5 ပူးပေါင်းရင်းမြစ်များ

Đơs Crih 105:45

Tồ bol khai in prap gàr ală jơnau sồr Kơnràñ dê, Mơ lơh jat ală bơta boh lam Kơnràñ dê. Jòng ro Yàng Jehôwa!

Đơs Crih 106:3

Lơngai cau lơi in prap gàr bơta song ngan, Mơ lơh jat bơta song ring sùm sùm!

Đơs Crih 119:146

Añ hòi dan mơ Yàng; dan dong klàs añ, Nàng añ rgơi prap gàr ală jơnau sồr kràñ cê Kơnràñ dê.

Đơs Crih 119:2

Lơngai ală cau in prap gàr ală jơnau sồr kràñ cê Kơnràñ dê, Hơ̆ la cau jơh nùs jòi jat Kơnràñ.

Đơs Crih 119:4

Yàng neh sồr bol hi prap gàr Ală jơnau sồr Kơnràñ dê dô bă kràñ cê.

Jơnau Pơnđik 28:7

Cau lơi prap gàr bơta boh lam la kòn klau jak chài; ai cau lơh yô mơ cau gơlềng gơlàng lơh ƀàssìl bèp he in.

Jơnau Pơnđik 8:32

Behơ̆ tŭ do, ơ ală kòn! Iat tĕ añ; Lơngai cau lơi in prap gàr gùng dà añ,

Cau Bơto 8:5

Cau lơi lơh jat gơnoar sồr bơtau gen ò tìp bơta iơh lơi, mơ nùs cau jak chài git tŭ tơngai mơ git gùng dà.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 15:5

Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò.

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Jakơ 2:22

Behơ̆ gen, mê gŏ bơta dòn lòt bal mơ broă lơh khai dê, mơ kơnòm di broă lơh gen sồng bơta dòn geh wil tơl.

I Jang 3:24

Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.

I Jang 4:17

Bơh hơ̆ bơta kòñ gơboh geh wil tơl tòm bol he, tồ bol he in gơs nùs khin cha tòm ngai cahrña, tài bơh Kơnràñ la be lơi gen bol he kung behơ̆ sơl tòm dunnia do.

I Jang 4:18

Ò gơs bơta rngòt tòm bơta kòñ gơboh, mơya bơta kòñ gơboh wil tơl gen gơtă sang bơta rngòt. Tòm bơta rngòt gơs bơta kơlôi bơh bơta lơh glài, mơ cau lơi rngòt gen ò geh wil tơl tòm bơta kòñ gơboh.

I Jang 5:2

Bơh bơta do bol he git he kòñ gơboh di ală kòn Yàng Tom Trồ dê, hơ̆ la tòm tŭ bol he kòñ gơboh di Yàng Tom Trồ mơ lơh jat ală bơta sồr lam Kơnràñ dê.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

II Jang 1:6

Bơta kòñ gơboh hơ̆ la bol he lơh jat ală bơta sồr lam Yàng dê; bơta sồr lam hơ̆ be oh mi neh kơno bơh sơnròp, la pal kis tòm bơta kòñ gơboh.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

Yal Tơlik 14:12

Tài bơh hơ̆ tàng ală cau sàng goh pal gơs bơta kong ơt, la ală cau prap gàr ală bơta sồr lam Yàng Tom Trồ dê mơ bơta dòn di Yàng Jesu.