I Jang 2:28 - Sră Goh 2018

²⁸ Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

I Jang 2:28 ပူးပေါင်းရင်းမြစ်များ

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Jơnau Niam Jat Mak 8:38

Dilah cau lơi ƀàssìl bơh Añ mơ jơnau Añ jê digùl jơi bơtiàn rềs àr bơrnàn do, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus wơl tòm bơta gơklŏ Bèp Kơnràñ dê bal mơ ală cau gơnrơh sàng goh.”

Luka 17:30

Ngai Kòn Mơnus tus kung behơ̆ sơl.

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

I Kôrintô 1:7

nàng oh mi ò siơ̆u dô bơta ai gòi lơi đah hwềng, tòm tŭ kơp gơn bơta tơlik mat Yàng Jesu Krist bol he dê.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

I Tesalônika 2:19

bơh bơta gơn kơnòm, bơta hòn chò mơ bơta jòng să be sơgơn bơtau di đap Yàng Jesu bol he dê tòm tŭ Kơnràñ tus wơl la ñchi taih? Ò di la oh mi ò ơ?

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

I Timôthe 6:14

prap gàr tĕ bơta sồr lam dô bă wil tơl mơ ò gơs tiah geh lah pơrhơng, jơl tus di tơngai Yàng Jesu Krist bol he dê tơlik mat,

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 3:21

Ơ ală cau kòñ gơboh, dilah nùs bol he ò lơh nền glài he, gen bol he gơs kơ̆ nùs di đap Yàng Tom Trồ,

I Jang 4:17

Bơh hơ̆ bơta kòñ gơboh geh wil tơl tòm bol he, tồ bol he in gơs nùs khin cha tòm ngai cahrña, tài bơh Kơnràñ la be lơi gen bol he kung behơ̆ sơl tòm dunnia do.

I Jang 5:14

Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.