I Jang 2:24 - Sră Goh 2018

²⁴ Bơta bol mê neh kơno bơh sơnròp gen pal prap sùm tòm nùs bol mê. Dilah bơta bol mê neh kơno bơh sơnròp ơm sùm tòm bol mê, gen bol mê kung rơp ơm sùm tòm Yàng Kòn mơ tòm Yàng Bèp sơl.

I Jang 2:24 ပူးပေါင်းရင်းမြစ်များ

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Luka 1:2

jat be ală cau bơh sơnròp neh gŏ nền mơ lơh cơng bal mơ ală cau duh broă jơnau Yàng dê yal wơl bol he in;

Luka 9:44

“Ai tĕ ală jơnau do mut tòm tồr bol mê: Kòn mơnus rơp gơkòl bơtào tòm tê cau sò tơm.”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Jang 8:25

Bol khai lùp Kơnràñ lah: “Cau Bơto la ñcau taih?” Yàng Jesu ho lah: “Be jơnau Añ neh đơs mơ bol mê bơh sơnròp.

Philip 4:15

Ơ cau Philip, să tòm oh mi kung git lah dơ̆ añ rơp sơntòm bơto Jơnau Niam, tòm tŭ añ sang lơgar Masedoan, gen rlau mơ oh mi ò gơs Hìu Jum Goh lơi ndai gơs pơnah bal mơ añ tòm bơta ai phan ngui sa añ jê;

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 2:7

Ơ ală cau kòñ gơboh, hơ̆ ò di la bơta sồr lam pa mơ añ cih oh mi in, mơya bơta sồr lam yau oh mi neh gơs bơh sơnròp; bơta sồr lam yau la jơnau mơ oh mi neh kơno.

I Jang 3:24

Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.

I Jang 4:13

Bơh bơta do bol he git he ơm sùm tòm Kơnràñ mơ Kơnràñ ơm sùm tòm bol he, hơ̆ la Kơnràñ neh ai Yàng Hwềng Kơnràñ dê bol he in.

I Jang 4:15

Dilah cau lơi yal tơlik Yàng Jesu la Kòn Yàng Tom Trồ dê, gen Yàng Tom Trồ ơm sùm tòm khai, mơ khai ơm sùm tòm Yàng Tom Trồ.

I Jang 4:16

Bol he git mơ dòn Yàng Tom Trồ gơs bơta kòñ gơboh gơwèt mơ bol he. Yàng Tom Trồ la bơta kòñ gơboh, cau lơi ơm sùm tòm bơta kòñ gơboh la ơm sùm tòm Yàng Tom Trồ, mơ Yàng Tom Trồ ơm sùm tòm cau hơ̆.

II Jang 1:2

Tài bơh jơnau song ơm tòm bol he, mơ rơp ơm bal mơ bol he sùm sùm:

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

III Jang 1:3

Bơh añ hòn chò ngan tòm tŭ gơs ală cau tòm oh mi lòt tus mơ lơh cơng bơh bơta dòn song mơ jơnau song ơm tòm bi, be bi neh kis tòm jơnau song.

Yal Tơlik 3:11

Añ rơp tus mhar; kơrmap kơ̆ tĕ bơta mê neh gơs, tồ ò gơs cau lơi tă sơgơn bơtau mê dê.

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.