I Jang 2:14 - Sră Goh 2018

¹⁴ Ơ ală cau la bèp, añ neh cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ neh cih ală bol mê in tài bơh bol mê la pràn kơldang, jơnau Yàng Tom Trồ dê ơm sùm tòm bol mê, mơ bol mê neh geh pha lin rlau mơ cau iơh.

I Jang 2:14 ပူးပေါင်းရင်းမြစ်များ

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 5:38

Mơ jơnau Kơnràñ dê ò ơm tòm bol mê, bơh bol mê ò dòn Bơtau mơ Kơnràñ neh sồr lòt tus.

Jang 8:31

Behơ̆ Yàng Jesu đơs mơ ală cau Juda neh dòn Kơnràñ lah: “Dilah bol mê ơm sùm tòm jơnau Añ, gen bol mê ngan la cau bơtê Añ jê;

Jang 8:37

Añ git lah bol mê la jơi bơtiàn Abraham dê, mơya bol mê jòi nàng tơnchơt Añ, tài bơh jơnau Añ jê ò gơs tiah tòm bol mê.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

I Jang 1:1

Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,

I Jang 1:10

Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.

I Jang 2:13

Ơ ală cau la bèp, añ cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ cih ală bol mê in tài bơh bol mê neh geh pha lin rlau mơ cau iơh. Ơ ală kòn dềt, añ neh cih ală kòn in tài bơh ală kòn dòp git Yàng Bèp.

II Jang 1:2

Tài bơh jơnau song ơm tòm bol he, mơ rơp ơm bal mơ bol he sùm sùm:

III Jang 1:3

Bơh añ hòn chò ngan tòm tŭ gơs ală cau tòm oh mi lòt tus mơ lơh cơng bơh bơta dòn song mơ jơnau song ơm tòm bi, be bi neh kis tòm jơnau song.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.

Yal Tơlik 2:7

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai sa plai chi bơta kis tòm lơgar lơngap lơngai Yàng Tom Trồ dê.’”