I Jang 2:13 - Sră Goh 2018

¹³ Ơ ală cau la bèp, añ cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ cih ală bol mê in tài bơh bol mê neh geh pha lin rlau mơ cau iơh. Ơ ală kòn dềt, añ neh cih ală kòn in tài bơh ală kòn dòp git Yàng Bèp.

I Jang 2:13 ပူးပေါင်းရင်းမြစ်များ

Đơs Crih 148:12

Ơ ală cau pơnu mơ cau ơruh, Cau kra mơ cau kơnòm dềt;

Đơs Crih 90:2

Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

Đơs Crih 91:14

Yàng Tom Trồ đơs lah: “Tài bơh khai kòñ gơboh đềt mềr dê Añ, gen tàng Añ rơp dong tă khai; Añ rơp sền gàr khai bơh khai git sơnđan Añ.

Jơnau Pơnđik 20:29

Bơta pràn cau klau pơnu dê la bơta gơklŏ khai dê; ai sŏ kò la bơta màng ryŭ cau kra dê.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Sacari 9:17

Bơta niam mơnĕ mơ hàng mơnĕ Kơnràñ dê ò git nđò! Kòi mbo rơp lơh ală klau pơnu in bơtào dờng mơ tơrnòm pa lơh cau ơruh in chò hòp.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 5:37

Mơya bol mê pal đơs: ‘Di, di’ hala ‘Ò, ò’ la tơl rau. Đơs rlau mơ ală jơnau do la gơlik bơh cà iơh.”

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 14:7

Dilah bol mê neh git Añ, gen kung neh git Bèp Añ sơl. Bơh di tŭ do bol mê git Kơnràñ mơ kung neh gŏ Kơnràñ sơl.”

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

I Timôthe 5:1

Bañ lah pơrhơng kơnjơ̆ cau kra, mơya bơto tơngkah tĕ khai be bèp; ai cau pơnu gen be oh mi;

Sră Pơyoa Pol Dê Pơyoa Tit In 2:6

Kung pal bơto tơngkah ală cau klau kơnòm să lơh lòt dô bă git kơrhia.

I Jang 1:1

Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.

I Jang 2:14

Ơ ală cau la bèp, añ neh cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ neh cih ală bol mê in tài bơh bol mê la pràn kơldang, jơnau Yàng Tom Trồ dê ơm sùm tòm bol mê, mơ bol mê neh geh pha lin rlau mơ cau iơh.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.

I Jang 5:18

Bol he git lah cau lơi tơnggơs bơh Yàng Tom Trồ, gen ò tìs glài; mơya Bơtau tơnggơs bơh Yàng Tom Trồ sền gàr khai, cà ràk ò rgơi ƀư di khai.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 2:7

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai sa plai chi bơta kis tòm lơgar lơngap lơngai Yàng Tom Trồ dê.’”