I Jang 1:6 - Sră Goh 2018

⁶ Dilah bol he đơs lah he geh gơtòmklac bal mơ Kơnràñ, mơ gam lòt tòm bơta klam jơngo, hơ̆ la bol he đơs blac mơ ò lơh lòt jat jơnau song.

I Jang 1:6 ပူးပေါင်းရင်းမြစ်များ

Đơs Crih 82:5

Bol khai ò gơs bơta git jak, kung ò gơs bơta git wă sơl, Bol khai lơh lòt tòm bơta klam jơngo; jơh ală mơnàng plai ù gơlơnggơr.

Đơs Crih 94:20

Ală cau at bồ iơh bơsak, la cau ai bơta boh lam nàng lơh gơs bơta iơh rmơh, Bol khai rgơi gơs dô bă bal mơ Kơnràñ sơl?

Jơnau Pơnđik 2:13

La ală cau sang ală gùng dà song ngan, Nàng lòt jat ală gùng klam jơngo,

Mathiơ 7:22

Tòm ngai hơ̆ rơp gơs oă cau đơs mơ Añ lah: ‘Khoai Yàng, khoai Yàng, bol hi ò di neh ai sơnđan Kơnràñ mơ đơs hwơr, ai sơnđan Kơnràñ mơ bơtrơh ală cà, ai sơnđan Kơnràñ mơ lơh oă broă gơnap gơnoar ò ơ?’

Jang 11:10

Mơya dilah cau lơi lòt tòm trồ mang, gen gơtup jơng, tài bơh ò gơs bơta àng.”

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

Jakơ 2:14

Ơ oh mi añ jê, dilah cau lơi đơs lah he gơs bơta dòn, mơya ò gơs broă lơh, gen ñchi kwơ taih? Bơta dòn hơ̆ rgơi dong klàs cau hơ̆ sơl?

Jakơ 2:16

mơ gơs dô nă cau tòm oh mi đơs mơ bol khai lah: “Lòt tĕ lơngap lơngai, ñjơr tĕ tồ ram mơ sa tĕ tồ hòm;” mơya ò pà bol khai in phan ngui sa đah poac să, gen ñchi kwơ taih?

Jakơ 2:18

Mơya cau ƀà rơp đơs: “Mê gơs bơta dòn, ai añ gơs broă lơh.” Sơnio tĕ añ in bơta dòn ò gơs broă lơh mê dê, gen añ rơp sơnio mê in bơta dòn bơh broă lơh añ jê.

I Jang 1:10

Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

I Jang 2:4

Cau lơi đơs: “Añ dòp git Kơnràñ,” mơya ò lơh jat bơta sồr lam Kơnràñ dê, gen khai la cau đơs blac, jơnau song ò ơm tòm khai.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.