I Jang 1:5 - Sră Goh 2018

⁵ Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.

I Jang 1:5 ပူးပေါင်းရင်းမြစ်များ

Đơs Crih 139:12

Tian gơs bơta klam jơngo ò di la jơngo gơwèt mơ Yàng, Trồ mang gơ sòl pơnđàng be trồ ngai, Bơh bơta klam jơngo be la àng gơwèt mơ Yàng.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 36:9

Bơh croh dà bơta kis la bal mơ Kơnràñ; Kơnòm di bơta àng Kơnràñ dê, bol hi gŏ bơta àng.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Esai 2:5

Ơ hìu Jakôp, tus tĕ, bol he cơnđòa lòt tĕ tòm bơta àng Yàng Jehôwa dê.

Esai 60:19

Mattơngai rơp ò gam la bơta àng mê dê tòm trồ ngai, mơ bơta àng gơcrà mat kơnhai dê kung ò gam sòl pơnđàng tòm trồ mang mê dê; Mơya bơh Yàng Jehôwa rơp la bơta àng gam sùm sùm mê dê, mơ Yàng Tom Trồ mê dê rơp la bơta gơklŏ mê dê.

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Jang 1:19

Do la jơnau lơh cơng Jang dê tòm tŭ làng bol Juda sồr ală cau gơnoar ơn phan duh khoai mơ cau Lebi bơh Jerusalem lòt tus lùp khai lah: “Ồng la ñcau?”

Jang 1:4

Tòm Kơnràñ gơs bơta kis, bơta kis la bơta àng kòn mơnus in.

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 9:5

Tòm tŭ Añ gam ơm tòm dunnia, Añ la bơta àng dunnia dê.”

I Kôrintô 11:23

Bơh ală jơnau añ neh yal oh mi in la jơnau añ neh dòp bơh Yàng, hơ̆ la tòm mang Yàng Jesu neh kong cau pơrlơ̆ dră, gen Kơnràñ ai piang lă,

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Jang 3:11

Do la jơnau bơto yal mơ oh mi neh kơno bơh sơnròp: Hơ̆ la bol he pal kòñ gơboh bal mơ gơp.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.