I Ală Bơtau 5:3 - Sră Goh 2018

³ “Bơtau git bèp añ jê la Dabit ò rgơi bơt dô nơm hìu sơnđan Jehôwa Yàng Tom Trồ khai in, tài bơh ală bơta kơlìn tòmlơh mơ ală cau sò tơm gùt dar khai, jơl tus di tŭ Yàng Jehôwa neh ơn ală cau sò tơm khai dê hơđơm kơndòl jơng khai dê.

I Ală Bơtau 5:3 ပူးပေါင်းရင်းမြစ်များ

I Ală Bơtau 8:19

bulah behơ̆, mê rơp ò bơt hìu duh khoai hơ̆, mơya la kòn klau mê neh deh, rơp bơt hìu sơnđan Añ in.’

I Yal Yau 22:8

Mơya gơs jơnau Yàng Jehôwa đơs mơ añ lah: ‘Mê neh lơh gơhòr oă mhàm mơ neh tòmlơh tòm oă bơta tòmlơh. Mê rơp ò bơt Sơnđan Añ in dô nơm hìu, tài bơh mê neh lơh gơhòr oă mhàm tòm ù di đap mat Añ.

I Yal Yau 28:2

Bơtau Dabit ñă ntào mơ đơs lah: “Ơ ală oh mi mơ làng bol añ jê, dan iat añ. Añ neh gơs nùs kòñ bơt dô nơm hìu lơh gơs dô bă tiah ơm rlô Đài Bơta Ho Bal Yàng Jehôwa in, lơh gơs tiah ơn jơng Yàng Tom Trồ bol he dê, mơ añ neh rcang rơndap nàng bơt hìu hơ̆.

I Yal Yau 28:3

Mơya Yàng Tom Trồ đơs mơ añ lah: ‘Mê rơp ò bơt dô nơm hìu Sơnđan Añ in, tài bơh mê la dô nă cau ling tòmlơh mơ neh lơh gơhòr mhàm.’

II Yal Yau 9:4

ală phan sa hơđang cơnòng sa, tiah nggui ală cau kwang khai dê, bơta gơs mat ală cau duh broă khai dê mơ ală phan soh bol khai dê, ală cau duh broă tòm ală ơdŭ mơ ală phan soh bol khai dê, mơ ală phan ơn chu pơrguc mơ khai neh ơn tòm hìu duh khoai Yàng Jehôwa dê, gen khai ai lơh crih crài ngan mơ gơdô nùs.

Nehemi 5:17

Rlau mơ hơ̆ tai, di cơnòng sa añ gơs dô rhiang pram jơt nă cau, ală cau Juda mơ ală cau kwang, rlau mơ ală cau tus hơ bol hi bơh ală lơgar gùt dar bol hi.

Nehemi 5:18

Tŭ hơ̆, kòp ngai cau yò sa dô nơm kơnrồ, prau nơm belàt niam rlau jơh, bol khai kung yò ală iar añ in sơl, mơ kòp jơt ngai gơs ală gơltau ơn bềng tơrnòm. Bulah behơ̆ ală phan hơ̆ añ ò dan gơnoar ai phan sa mơ cau kwang đơng lơgar dê, tài bơh broă lơh àñ ơnòng kơnjơ̆ ơm hơđang làng bol.

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Đơs Crih 8:6

Yàng ai khai in gơnoar at bồ ală phan tê Yàng neh lơh, Ơn jơh ală phan dòn duh hơđơm jơng khai dê.

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

I Kôrintô 15:25

Bơh Kơnràñ pal at bồ jơl tus di tŭ Yàng Tom Trồ “ơn jơh ală cau sò tơm hơđơm mpàng jơng Kơnràñ dê.”

Ephesô 1:22

Yàng Tom Trồ lơh jơh ală bơta dòn duh hơđơm jơng Bơtau Krist dê, pồ bơtào Bơtau Krist lam bồ jơh ală bơta tòm Hìu Jum Goh.

Yal Wơl 14:5

jùn, il, be brê, belàt brê.

Jôsue 10:24

Tòm tŭ cau lam pram nă bơtau hơ̆ tus hơ Jôsue, gen Jôsue hòi pơjum jơh ală cau Israel mơ đơs mơ ală cau kwang at bồ ling neh lòt bal mơ khai lah: “Tus tĕ hơ do mơ jă jơng bol mê dê di ngko ală cau bơtau do.” Gen bol khai tus hơđap mơ jă jơng di ngko ală cau bơtau hơ̆.