I Ală Bơtau 21:2 - Sră Goh 2018

² Ahap đơs mơ Nabôt lah: “Ai tĕ suơn ño mê dê añ in, nàng añ lơh suơn biap, tài bơh gơ ơm rềp di gơlang añ; añ rơp ai mê in dô nơm suơn ño niam rlau; hala dilah mê kòñ, añ rơp ai mê in priă kas ngan.”

I Ală Bơtau 21:2 ပူးပေါင်းရင်းမြစ်များ

I Samuel 8:14

Khai rơp ai phan niam rlau jơh bơh di ală ƀlàng sre, ală suơn ño, mơ ală suơn ôlibe bol mê dê nàng ai cau duh broă khai in.

I Timôthe 6:9

Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Đơs Chò 4:15

Ai la dà cat tòm suơn, la tơrlung dà kis, la gùng dà hòr bơh Liban!

Cau Bơto 2:5

lơh gơs ală suơn mơ suơn bơkào añ in, mơ tam tơl ală chi sa plai tềng hơ̆;

II Ală Bơtau 9:27

Tòm tŭ Acasia bơtau Juda gŏ bơta hơ̆, gen ntoat dô song hơ Bethagan; mơya Jehu ting jat khai, mơ sồr lah: “Kung pañ tĕ khai sơl.” Gen bol khai pañ di khai hơđang rơndeh di kơh tus hơ Gur, rềp Gipleam. Gen, Acasia dô tus hơ Megidô mơ chơt tềng hơ̆.

I Samuel 29:6

Behơ̆ Akis hòi Dabit mơ đơs mơ khai lah: “Di ngan kung be Yàng Jehôwa kis, mê la dô nă cau rgơi dòn kơnòm, mơ añ niam nùs gơs mê duh broă bal mơ añ tòm mpồl ling. Bơh di ngai mê tus mơ añ jơl tus di ngai do, añ ò bàn dô bơta tìs lơi tòm mê, bulah behơ̆ ală kwang at bồ ò dòp rò mê.

I Samuel 8:6

Mơya jơnau hơ̆ ò niam nùs Samuel tòm tŭ bol khai đơs lah: “Ai tĕ bol hi in dô nă bơtau nàng tề lam bol hi,” Behơ̆ Samuel hòi dan mơ Yàng Jehôwa.

Yal Wơl 11:10

Lơgar mơ bol mê rơp mut mơ tòmpìt ai ò di be lơgar Ejiptơ la tiah bơh tềng hơ̆ bol mê lik lòt, la tiah mơ bol mê neh sih gar mơ ngui jơng tuh dà kung be dô nơm suơn biap.

Yal Wơl 5:21

Bol mê bañ hàm kòñ bau cau ơm rềp di bol mê. Bol mê bañ gơs nùs hàm hà hìu ơm hala ù tiah khai dê, cau klau duh broă hala cau ùr duh broă khai dê, kơnrồ hala alàng khai dê, hala phan lơi gơrê bal mơ cau ơm rềp di bol mê.’

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Sơnròp Gơlik Gơs 16:6

Abram đơs mơ Sarai lah: “Do dĭ ùr hơ̆ ơm tòm tê ai, lơh tĕ di khai be lơi khat gơboh nùs ai dê.” Gen Sarai lơh bòl glar Agar in, gen Agar dô pleh bơh di mat khai.

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

I Ală Bơtau 21:3

Mơya Nabôt đơs mơ Ahap lah: “Yàng Jehôwa bơkơ̆u añ ai bơtau in sre brê ồng pàng añ jê!”

I Ală Bơtau 21:6

Khai ho: “Bơh añ neh đơs mơ Nabôt, cau Jejreel lah: Ai tĕ suơn ño mê dê añ in mơ dòp priă, hala dilah mê kòñ, añ rơp ai mê in suơn ño ndai;” Mơya khai ho: “Añ ò ai suơn ño añ jê bơtau in.”