I Ală Bơtau 20:4 - Sră Goh 2018

⁴ Bơtau Israel ho: “Be ồng đơs ơ cau tòm añ jê la bơtau; jơh ală phan añ gơs gơrê bal mơ bơtau.”

I Ală Bơtau 20:4 ပူးပေါင်းရင်းမြစ်များ

Yal Wơl 28:48

gen tàng tòm ngai jơgloh mơ tơhìr, ơm kuh mơ dồn sa rƀah, bol mê rơp duh broă ală cau sò tơm mơ Yàng Jehôwa neh sồr tus tòmdră mơ bol mê. Kơnràñ rơp ơn dô nơm yô mơ lòs di ngko bol mê dê jơl tus di tŭ Kơnràñ neh tơnroh bol mê.

Lebi 26:36

Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

I Ală Bơtau 20:3

“Priă mơ màh mê dê gơrê bal mơ añ. Ală bau ùr bơtau mơ ală kòn sau niam rlau jơh mê dê kung gơrê bal mơ añ.”

I Ală Bơtau 20:5

Mơ ală cau kong sồr lòt tai hơ bơtau Israel mơ đơs lah: Benhadat đơs be do: “Añ sồr cau lòt tus mơ mê lah: Jào tĕ añ in priă, màh, bau ùr mê dê bal mơ ală kòn mê dê añ in.”

II Ală Bơtau 10:5

Kwang at bồ gơlang mơ kwang at bồ ƀòn, bal mơ ală kwang kra mơ ală cau gơnoar bơto ală kòn klau Ahap dê, sồr đơs mơ Jehu lah: “Bol hi la dĭ gơna ồng dê; bol hi rơp lơh ală bơta ồng đơs. Bol hi ò kòñ bơtào dô nă cau lơi lơh gơs bơtau, lơh tĕ bơta lơi jat nùs ồng kơlôi la di.”

I Samuel 11:10

Làng bol ơm tòm Jabes đơs mơ cau Ammôn lah: “Ngai hìng bol hi rơp jào să tòm bol hi bol mê in, mơ bol mê rơp lơh bol hi in jat bơta lơi bol mê kơlôi la niam.”

I Ală Bơtau 2:38

Simei ho wơl mơ bơtau lah: “Jơnau bơtau đơs hơ̆ la niam. Cau duh broă bơtau dê rơp lơh jat be jơnau cau tòm añ jê la bơtau neh đơs.” Mơ Simei ơm jŏ ngai tòm Jerusalem.