I Ală Bơtau 2:3 - Sră Goh 2018

³ Prap gàr tĕ ală bơta Jehôwa Yàng Tom Trồ kòn dê neh sồr, lòt tĕ tòm gùng dà Kơnràñ dê, prap gàr ală bơta lơh nền mơ jơnau sồr Kơnràñ dê, bơta sồr lam mơ cơng tàng Kơnràñ dê, be neh cih tòm bơta Boh lam Môise dê, tồ kòn in geh bơtoah bơtoài tòm jơh ală bơta kòn lơh mơ tòm jơh ală tiah kòn lòt,

I Ală Bơtau 2:3 ပူးပေါင်းရင်းမြစ်များ

II Samuel 8:14

Khai bơt ală theng kơp gàr kơ̆ cê tòm làm lơgar Edôm, mơ jơh làng bol Edôm kong duh Dabit. Yàng Jehôwa ai Dabit in bơta pha rlau tòm ală tiah khai neh lòt tus.

II Samuel 8:6

Khai bơtào ală theng kơp gàr kơ̆ cê tòm ƀòn dờng Damas lơgar Aram, mơ cau Aram kong duh broă Dabit, mơ pal kong dap dia, Yàng Jehôwa ai Dabit in bơta pha rlau tòm ală tiah khai lòt tus.

I Ală Bơtau 3:3

Salômôn kòñ gơboh di Yàng Jehôwa, mơ lòt jat ală bơta sồr lam Dabit bèp khai dê; mìng khai ơn phan duh khoai mơ chu kơlhô hơđang ală tiah jơnhoa.

II Ală Bơtau 18:7

Yàng Jehôwa ơm bal mơ khai; bulah khai lòt tiah lơi, gen geh bơtoah bơtoài. Khai pơrlơ̆ dră mơ bơtau Asiri, mơ ò bài duh broă bơtau hơ̆ tai.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

Đơs Crih 119:111

Jơnau sồr kràñ cê Yàng dê la sre brê añ jê gam sùm sùm; Ngan, jơnau hơ̆ lơh nùs añ in hòn chò.

Đơs Crih 119:138

Yàng ai bơta song ring mơ bơta dòn song, Mơ lơh nền jơnau sồr kràñ cê Kơnràñ dê.

Đơs Crih 119:2

Lơngai ală cau in prap gàr ală jơnau sồr kràñ cê Kơnràñ dê, Hơ̆ la cau jơh nùs jòi jat Kơnràñ.

Đơs Crih 19:7

Bơta boh lam Yàng Jehôwa dê la wil tơl, nàng bơtơl pràn tai hwềng soàn in; Jơnau sồr kràñ cê Yàng Jehôwa dê la kơ̆ nền, lơh cau ò hoan git in gơlik jak chài.

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Lebi 8:35

Bi pal ơm wơl ngai mơ mang di tiah mut Sàl Tòm Mat dê tòm poh ngai mơ lơh jat bơta Yàng Jehôwa neh sồr lơh nàng bi in ò chơt, bơh hơ̆ la jơnau sồr neh ai añ in.”

Malaci 4:4

“Kah wơl tĕ bơta bơto sồr dĭ gơna Añ jê la Môise, ală bơta sồr lam mơ boh lam mơ Añ neh ai khai in hơđang mơnơm Hôrep, nàng ai jơh làng bol Israel in.

Yal Wơl 29:8

Bol he neh tòmpìt ai ù tiah lơgar bol khai dê mơ ai gơlơh gơs sre brê ală cau Ruben in, cau Gat in mơ nggùl jơi bơtiàn Manase in.

Yal Wơl 29:9

Kơrhia tĕ lơh jat ală bơta lơh nền tòm bơta ho bal do tồ bol mê rgơi geh bơtoah bơtoài tòm jơh ală broă bol mê lơh.

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Yal Wơl 4:45

Hơ̆ la ală sơnoa rnoas, ală bơta lơh nền mơ ală bơta boh lam mơ Môise neh ai bol khai in tòm tŭ bol khai lik lòt bơh di Ejiptơ

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.

Yal Wơl 4:8

Mơ gơs làng bol lơi ndai dờng geh ală bơta lơh nền mơ ală bơta boh lam song ring be jơh tơl bơta boh lam mơ añ ơn di đap bol mê tòm ngai do sơl ơ?

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Jôsue 22:5

Mơya kơrhia tĕ prap gàr bơta sồr lam mơ bơta boh lam mơ Môise, cau duh broă Yàng Jehôwa dê, neh ai bol mê in, kòñ gơboh Jehôwa Yàng Tom Trồ bol mê dê, lòt tòm jơh ală gùng dà Kơnràñ dê, dòn bơr lơh jat jơh ală jơnau gơnoar sồr Kơnràñ dê, đềt mềr mơ Kơnràñ mơ jơh nùs jơh hwềng soàn duh broă Kơnràñ.”

Jôsue 23:6

Gen tàng kơ̆ nùs tĕ sền sơwì mơ dòn bơr lơh jat jơh ală bơta neh cih tòm Sră Bơta Boh lam Môise dê, bañ wèt đah ma hala đah kiau.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 18:30

Ală cau kwang at bồ mpồl ling cau Philistin dê kư̆ pơnjat tai lik lòt tòmlơh, mơ nđò dơ̆ bol khai lik lòt tòmlơh gen Dabit geh bơtoah bơtoài rlau mơ ală cau duh broă Sol dê, tian gơs sơnđan khai geh tiơng pơnro ngan.

I Samuel 18:5

Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.