I Ală Bơtau 13:8 - Sră Goh 2018

⁸ Mơya cau Yàng Tom Trồ dê đơs mơ bơtau lah: “Dilah bơtau ai añ in nggùl lơgar bơtau dê, añ kung ò lòt bal mơ bơtau, hala añ kung rơp ò sa ƀañ hala hùc dà tòm tiah do sơl;

I Ală Bơtau 13:8 ပူးပေါင်းရင်းမြစ်များ

I Ală Bơtau 13:9

bơh añ neh geh jơnau Yàng Jehôwa nting sồr be do, lah: ‘Mê bañ sa ƀañ, bañ hùc dà, hala rê wơl jat gùng mê neh lòt tus.’”

II Ală Bơtau 5:16

Mơya Elise đơs lah: “Be Yàng Jehôwa gam kis sùm, la Bơtau añ duh broă mơ srat să lah añ ò dòp phan lơi.” Naaman jơh nùs chồl Elise dòp, mơya khai ò bài dòp.

Đơs Crih 141:4

Dan bañ lòi nùs añ wèt hơ bơta iơh lơi, bañ lòi añ giga tòm ală broă iơh bơsak, tòm mpồl ală cau lơh bơta tồi glài iơh bơsak; Dan bañ lòi añ sa phan bơkah bol khai dê.

Lik Ejiptơ 5:3

Gen Môise mơ Arôn đơs lah: “Yàng Tom Trồ cau Hebrơ dê neh tus mơ bol hi. Tŭ do lòi tĕ bol hi lòt gùng tòm pe ngai tus tòm ƀlàng ngềt ngơt, nàng ơn ală phan duh khoai Jehôwa Yàng Tom Trồ bol hi in, rngòt Kơnràñ đùh bơta pluh plàng hala pềs tà tơnroh bol hi!”

Lik Ejiptơ 5:6

Tòm ngai hơ̆, Pharaôn ai jơnau sồr ală cau at bồ cau dĭ mơ ală cau at bồ cau lơh broă tòm làng bol lah:

Lik Ejiptơ 7:2

Mê rơp yal wơl jơh ală jơnau Añ rơp sồr mê, mơ Arôn bi mê, rơp đơs mơ Pharaôn nàng khai lòi làng bol Israel lik lòt bơh di lơgar khai dê.

Khà Làng Bol 22:18

Mơya Balaam ho wơl bol khai lah: “Bulah Balak ai añ in hìu gơlang khai dê bềng mơ màh mơ priă, añ ò rgơi lơh bơta lơi dờng hala dềt rlau mơ jơnau sồr Yàng Jehôwa dê la Yàng Tom Trồ añ jê.

Khà Làng Bol 22:8

Balaam đơs mơ bol khai lah: “Dan ơm bic mang tềng do, mơ añ rơp ai bol mê in jơnau ho wơl mơ Yàng Jehôwa rơp ai añ in.” Behơ̆ ală cau kwang Môap dê ơm wơl mơ khai.

Khà Làng Bol 24:13

‘Bulah Balak ai añ in hìu gơlang khai dê bềng lìu priă mơ màh, añ ò rgơi lơh bơta lơi niam hala iơh jat nùs tòm añ jê rlau mơ jơnau sồr Yàng Jehôwa dê, mơ añ pal đơs mìng jơnau lơi Yàng Jehôwa đơs ò ơ’?

Jơnau Niam Jat Mak 6:11

Tiah lơi cau ò bài wă rò bol mê mơ ò bài iat jơnau bol mê dê, tòm tŭ lik bơh hơ̆, gen rtuh tĕ thul bơh di jơng bol mê dê nàng lơh cơng tơrwơl di bol khai.”

Jơnau Niam Jat Mak 6:23

Bơtau Herôt srat să ho mơ khai lah: “Phan lơi ai dan gen añ kung rơp ai lơm, bulah dan nggùl lơgar añ jê añ kung ai sơl.”