II Timôthe 4:3 - Sră Goh 2018

³ Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

II Timôthe 4:3 ပူးပေါင်းရင်းမြစ်များ

I Ală Bơtau 18:22

Gen Eli đơs mơ làng bol lah: “Añ, mìng dô nă añ gam wơl tòm ală cau gơnoar hwơr Yàng Jehôwa dê; ai ală cau gơnoar hwơr Baal dê khà la poan rhiang pram jơt nă.

I Ală Bơtau 22:18

Bơtau Israel đơs mơ Jôsaphat lah: “Añ ò di neh đơs mơ bơtau lah khai ò đơs hwơr niam bơh añ, mơ mìng la bơta rung rài lơm ò ơ?”

I Ală Bơtau 22:8

Bơtau Israel ho mơ Jôsaphat lah: “Gam gơs dô nă cau, nàng bơh khai bol he rgơi lùp Yàng Jehôwa, hơ̆ la Mice, kòn klau Jimla dê; mơya añ gơjrañ di khai, bơh khai ò tŭ lơi đơs hwơr niam bơh añ, mơ mìng la rung rài lơm.” Jôsaphat đơs lah: “Dan bơtau bañ đơs behơ̆.”

Lik Ejiptơ 32:33

Yàng Jehôwa ho wơl mơ Môise lah: “Cau lơi tìs glài mơ Añ gen Añ rơp jùt khai bơh di sră Añ.

Esai 28:12

Kơnràñ neh đơs mơ bol khai lah: “Do la tiah rlô bòl, lòi tĕ ală cau bòl glar rlô bòl: do la tiah ơm ring ngềt.” Mơya bol khai ò bài iat.

Esai 30:10

Bol khai đơs mơ ală cau sền bơta gơtơnggŏ lah: “Bañ sền tai!” mơ đơs mơ ală cau gơnoar hwơr lah: “Bañ đơs hwơr bol hi in ală bơta di ngan! Yal tĕ bol hi in ală jơnau bơkah tồr, đơs hwơr tĕ bơh ală bơta ò gơs ngan.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 27:9

Behơ̆ gen, bañ iat ală cau gơnoar hwơr, cau sền dà, yal gơtha mpau, cau sền sơmañ, cau juh proh bol mê dê, la ală cau đơs mơ bol mê lah: Bol mê rơp ò dòn duh bơtau Babilôn ò.

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Luka 20:19

Ală cau bơto bơta boh lam mơ ală cau gơnoar lam bồ ơn phan duh khoai git Kơnràñ đơs pơnyơu hơ̆ la sơnio bơh bol khai, gen tòm jơ hơ̆ bol khai jòi bơta nàng kup Kơnràñ, mơya bol khai rngòt di làng bol.

Luka 6:26

Bòl glar ngan bol mê in, tòm tŭ tơl nă cau đơs niam bơh bol mê! Bơh ồng pàng bol khai kung lơh behơ̆ sơl gơwèt mơ ală cau gơnoar hwơr ma blac.”

Jang 8:45

Mơya tài bơh Añ đơs jơnau song, gen tàng bol mê ò dòn Añ.

Broă 17:21

Ngan behơ̆, jơh ală cau Athen mơ cau lơgar bơdìh ơm ing tòm Athen mìng lòi tŭ nàng đơs mơ iat jơnau pa mơ krơi lơm.

I Kôrintô 2:1

Ơ oh mi, tòm tŭ añ tus hơ oh mi añ ò bơto yal bơta ndơp ndơr bơh Yàng Tom Trồ oh mi in tòm jơnau đơs jòng jơnhoa hala jơnau jak chài.

I Kôrintô 2:4

Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

Galati 4:16

Añ ai jơnau song đơs mơ oh mi, gen añ gơlik gơs cau sò tơm di oh mi sơl ơ?

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

II Timôthe 1:13

Ai tĕ bơta dòn mơ bơta kòñ gơboh tòm Yàng Krist Jesu nàng kơrmap gàr kơr sơnoa gùng duh khoai song ngan mơ mê neh bơtê bơh di añ.

Jude 1:18

Bol khai đơs mơ oh mi lah: “Tòm tŭ lồi dut rơp gŏ ală cau jak dơñŏ tơnhial lơh lòt jat bơta hàm kòñ is ò duh rngòt Yàng Tom Trồ bol khai dê.”