II Timôthe 4:2 - Sră Goh 2018

² Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

II Timôthe 4:2 ပူးပေါင်းရင်းမြစ်များ

Đơs Crih 40:9

Tòm mpồl jơnum dờng añ neh yal jơnau chò hòp bơh bơta dong tă; Ne, ơ Yàng Jehôwa, añ ò mềm bơr, be Kơnràñ neh git rau.

Jôna 3:2

“Lòt tĕ hơ ƀòn dờng Ninibe, mơ bơto tơnggit gơ in jơnau Añ neh yal mê in.”

Luka 7:23

Lơngai cau lơi in ò gơtup tìs tài bơh Añ!”

Luka 7:4

Tŭ bol khai tus hơ Yàng Jesu, gen dan rac ròc lah: “Cau kwang hơ̆ la di pal nàng ồng in dong kòl,

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

Broă 16:13

Tus dê ngai Saƀat, bol hi lik hơ bơdìh ƀòn dờng lòt rềp di gah hiòng, tềng hơ̆ la tiah bol hi kơlôi lah gơs cau Juda pơjum bal nàng hòi dan; Bol hi nggui mơ tòmbơhbơr mơ ală cau ùr neh pơjum tềng hơ̆.

Broă 20:7

Ngai sơnròp tòm dô poh, bol hi ơm pơjum sa tòmklac bal. Tài bơh Pol pal lòt ngai hìng, gen tàng khai bơto yal ală cau bơtê in mơ kư̆ bơto tơn jơl tus digùl mơnang.

Broă 28:16

Tòm tŭ bol hi neh tus tòm Rôma rau, Pol geh gơnoar ơm is mơ dô nă cau ling sền gàr.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

Galati 6:6

Bulah behơ̆, cau lơi geh cau bơto jơnau niam he in, gen ai tĕ tòm jơh ală phan ngui sa he dê nàng pà bal cau bơto hơ̆ in.

Kôlôse 1:25

Añ kung neh geh lơh gơs cau gơnoar duh broă Hìu Jum Goh hơ̆ dê, jat be gơnoar broă mơ Yàng Tom Trồ neh ai añ in tài bơh oh mi, nàng yal tơlik wil tơl jơnau Yàng Tom Trồ dê,

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Tesalônika 5:20

Bañ sền òsơp di jơnau đơs hwơr.

I Timôthe 4:13

Ngac ngar tĕ sền Sră Goh tòm tŭ pơjum bal, bơto tơngkah mơ bơto sồr jơl tus di tŭ añ tus.

I Timôthe 5:20

Cau tìs glài, gen lah pơrhơng tĕ bol khai di đap jơh ală cau nàng lơh cau ndai in rngòt.

II Timôthe 2:21

Dilah cau lơi lơh goh is să he bơh di ală broă iơh bơsak hơ̆, gen rơp be gri dờng màng geh gơlik gơs sàng goh, gơs kwơ cau tòm in mơ neh rcang sir ală broă niam in.

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

II Timôthe 3:10

Mơya mê neh sền nề bơta añ bơto sồr, bơta lơh lòt, bơta kòñ jòi jat, bơta dòn, bơta kong ơt, bơta kòñ gơboh, bơta ơt ơl,

Sră Pơyoa Pol Dê Pơyoa Tit In 1:13

Jơnau lơh cơng hơ̆ la song ngan. Behơ̆ pal lah pơrhơng kơnjơ̆ bol khai tồ bol khai in gơs bơta dòn pràn kơldang,

Sră Pơyoa Pol Dê Pơyoa Tit In 2:15

Bơto tĕ ală bơta hơ̆, bơto tơngkah mơ lah pơrhơng dô bă gơs gơnoar wil tơl. Bañ lòi cau lơi sền òsơp di mê.

Hebrơ 13:22

Ơ oh mi, añ cih dô êt jơnau do oh mi in, dan oh mi dòp jơnau bơto tơngkah do.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.