II Timôthe 4:1 - Sră Goh 2018

¹ Di đap Yàng Tom Trồ mơ di đap Yàng Krist Jesu la Bơtau rơp cahrña cau kis mơ cau chơt, añ bơh bơta tơlik mat Kơnràñ dê mơ bơh lơgar Kơnràñ dê mơ bơto kràñ cê mê in lah:

II Timôthe 4:1 ပူးပေါင်းရင်းမြစ်များ

Đơs Crih 50:6

Ală tap trồ bơto yal bơta song ring Kơnràñ dê, Tài bơh să tòm Yàng Tom Trồ la Bơtau cahrña! (Selah)

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Luka 19:12

Gen Kơnràñ đơs lah: “Gơs dô nă cau ryŭ ryơm ne lòt tus hơ tiah ngài nàng dòp gơnoar at bồ lơgar, mơ rơp rê wơl.

Luka 19:15

Tòm tŭ khai neh dòp gơnoar at bồ lơgar mơ rê wơl, gen sồr hòi ală cau dĭ mơ khai neh jào priă lòt tus, nàng git kòp nă neh lơh gơlik cồng nha la nđò.

Luka 23:42

Gen khai đơs lah: “Ơ Yàng Jesu, tŭ Kơnràñ tus tòm lơgar Kơnràñ, dan kah tĕ añ.”

Broă 10:42

Kơnràñ neh nting sồr bol hi bơto yal tĕ làng bol in, mơ lơh cơng lah să tòm Kơnràñ la Bơtau mơ Yàng Tom Trồ neh pồ bơtào lơh gơs Cau Kwang Cahrña cau kis mơ cau chơt.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

I Timôthe 5:21

Di đap Yàng Tom Trồ mơ Yàng Krist Jesu mơ ală cau gơnrơh neh geh sac rwah, añ bơto mê kràñ cê prap tĕ ală bơta hơ̆, bañ pin lài tòm dơngoh, lơh broă lơi kung bañ kơryơn đah lơi.

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

II Timôthe 2:14

Hơ̆ la bơta mê pal tơngkah bol khai in mơ bơto kràñ cê bol khai in di đap Yàng lah bañ tòm pơndang bơh jơnau đơs, bơh bơta hơ̆ la ò kwơ, mìng gơlơh iơh di cau iat.

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 4:5

mơya bol khai pal yal broă mơ Bơtau neh rcang sir nàng cahrña cau kis mơ cau chơt.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.