II Timôthe 3:2 - Sră Goh 2018

² Bơh cau rơp kòñ gơboh di să tòm he, hàm hà jền priă, jòng să, pơnhừ să, bơrsèl tơnhial, ò dòn bơr mè bèp, ò kah bơta nđàc, ò sàng goh,

II Timôthe 3:2 ပူးပေါင်းရင်းမြစ်များ

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 49:6

Bol khai kơnòm di phan mơna he dê, Jòng să bơh phan mơna lìu làc he dê.

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

Jơnau Pơnđik 6:17

Gar mat pơnhừ să, lơmpiat lac lèo, tê lơh gơhòr mhàm ò gơs glài;

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Mathiơ 15:6

Behơ̆ bol mê neh lơh gơnoar sồr Yàng Tom Trồ dê gơlik ò kwơ tài bơh jơnau òs yau bol mê dê.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Broă 5:36

Lài òr gơs Theuda bơtào tơngguh, sơnđan is să khai la cau dờng màng, gơs pơgap poan rhiang nă cau jat khai; mơya khai kong cau tơnchơt, mơ jơh ală cau jat khai gen gơprah gơpring jơh, mơ gơlik gơs roh lơm.

Rôma 11:18

gen bañ sền òsơp di ală ntê ne. Mbe mê rgơi jòng să taih? Git tĕ lah ò di mê kong dră ryas, mơya ryas gơ dê kong dră mê.

II Kôrintô 5:15

Mơ cau hơ̆ neh chơt bơh tơl nă cau, tồ ală cau gam kis ò di kis să tòm he in tai, mơya kis Yàng in la Bơtau neh kong chơt mơ kis wơl ala bol khai.

Philip 2:21

bơh cau lơi kung jòi cồng nha is he dê, mơ ò jòi cồng nha Yàng Jesu Krist in.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

I Timôthe 1:20

tòm mpồl bol hơ̆ gơs Himene mơ Aleksandria, añ neh phi bol khai cà Satan in rau, tồ bol khai in kong lơh glài mơ bơtê git bañ đơs tràl sơrbil di Yàng Tom Trồ.

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.

I Timôthe 6:4

gen cau hơ̆ la jòng is să he, ò git wă dô êt lơi; mơya khai gơs nùs òs pơndang mơ tòm pơndang bal bơh ală jơnau đơs, tài bơh hơ̆ gơlik gơs bơta ƀoah tòmlah, tòmpìt tòmhà, bơrsèl tơnhial, pin iơh,

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.

Jakơ 4:16

Mơya oh mi jòng să, pơnhừ să. Jơh ală bơta jòng să behơ̆ la iơh.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

II Pier 2:10

lài ngan la ală cau lơh lòt jat nùs hàm kòñ is ngkòr ngkàc poac să dê, mơ sền òsơp di ală gơnoar Yàng dê.

II Pier 2:12

Mơya bol khai kung be phan poan jơng ò gơs dơngoh kơlôi, mìng tơnggơs jat bơta òs, lòi cau in kup lơh poac; bol khai jak đơs bơrsèl tơnhial di ală bơta bol khai ò git wă, gen bol khai rơp kong tơnroh tòm bơta roh rui bal mơ bol gơ;

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jude 1:16

Ală cau hơ̆ la cau jak yoam pơrhiat mơ ò hừh nùs, lơh jat bơta hàm kòñ is he dê, jak đơs jơnau pơnhừ să, ngui jơnau đơs rơmhòc nàng geh cồng nha.

Yal Tơlik 13:1

Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 16:11

Tài bơh bơta jê sồt mơ ală toh kiat bol khai dê, gen bol khai đơs tràl sơrbil di Yàng Tom Trồ hơđang trồ, mơ ò gơjrañ sang glài bơh ală broă iơh bơsak bol khai dê.

Yal Tơlik 16:21

Gơs mìu piar dờng bơh đang trồ dùh hơđang ală cau, kòp nơm piar kơnjơ̆ pơgap dô talơng, mơ ală cau đơs tràl sơrbil di Yàng Tom Trồ tài bơh bơta rung rài mìu piar hơ̆, bơh bơta rung rài hơ̆ la dờng kơnjơ̆ ngan ò git lơh.

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.