II Timôthe 2:9 - Sră Goh 2018

⁹ Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

II Timôthe 2:9 ပူးပေါင်းရင်းမြစ်များ

Luka 23:32

Kung gơs bàr nă cau ndai la cau glài, kòl cèng bal mơ Kơnràñ nàng kong tơnchơt.

Broă 21:33

Cau kwang at bồ mpồl ling lòt tus rềp kup khai, lồc behơ̆ sồr ai bàr dang che sreng cap khai, gen lùp: “Khai la ñcau, mơ ñchi broă neh lơh?”

Broă 28:31

bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Philip 1:17

Mơya ală cau ne bơto yal bơh Bơtau Krist dô bă ò kòñ gơboh, mơya bơh nùs hàm kòñ sềt pơniă mơ kơlôi lah gơbơtơl tai bơta bòl glar añ in tòm tŭ kong kơt mơ che sreng.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Kôlôse 4:18

Tê tòm añ, Pol, cih jơnau do còp să oh mi. Kah tĕ che sreng añ jê. Dan bơta nđàc ơm bal mơ oh mi.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

I Tesalônika 1:8

Bơh jơnau Yàng bơh oh mi neh gơpơnro ò di mìng tòm Masedoan mơ Acai lơm, mơya bơta dòn oh mi dê tòm Yàng Tom Trồ kung neh pơnro làm jơh ală tiah, tian gơs bol hi ò càng đơs jơnau lơi tai.

II Tesalônika 3:1

Lồi tơnơ̆, ơ oh mi, hòi dan tĕ bol hi in, nàng jơnau Yàng dê sơlo ntoat tơngguh mơ geh àng gơklŏ kung be ơm digùl oh mi sơl.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

II Timôthe 1:16

Dan Yàng ai bơta kòñ nđàc hìu Ônesiphôr in, bơh khai oă dơ̆ lơh nùs añ in rài bòl, ò ƀàssìl bơh añ kòl kơt mơ che sreng,

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 2:3

Kong bòl glar tĕ bal mơ añ be dô nă cau ling jak Yàng Krist Jesu dê.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 2:14

hala ală cau kwang đơng lơgar la ală cau mơ bơtau neh sồr lòt nàng lơh glài ală cau lơh iơh mơ jòng ro ală cau lơh niam.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.

I Pier 4:15

Tòm oh mi bañ gơs cau lơi kong bòl glar jê sồt be cau tơnchơt cau, be cau ntung kơñau, be cau lơh tìs bơta boh lam, hala cau lơh be tòm tòm broă cau ndai dê.