II Timôthe 2:7 - Sră Goh 2018

⁷ Kơlôi sơnơng tĕ di jơnau añ đơs do, bơh Yàng rơp ai mê in git wă jơh ală bơta.

II Timôthe 2:7 ပူးပေါင်းရင်းမြစ်များ

I Yal Yau 22:12

Dan Yàng Jehôwa ai kòn in bơta jak chài mơ bơta git wă tòm tŭ Kơnràñ jào gơnoar kòn in at bồ hơđang Israel, nàng kòn prap gàr bơta boh lam Jehôwa Yàng Tom Trồ kòn dê.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

Đơs Crih 119:125

Añ la cau duh broă Yàng dê; dan ai añ in bơta git wă, Nàng añ in rgơi git ală jơnau sồr kràñ cê Kơnràñ dê.

Đơs Crih 119:144

Ală jơnau sồr kràñ cê Yàng dê la song ring gam sùm sùm; Dan ai añ in bơta git wă, nàng añ rgơi kis.

Đơs Crih 119:73

Mpàng tê Yàng neh crơng gơs añ mơ mòn rùp să añ; Dan Yàng ai añ in bơta git wă, nàng añ bơtê bơta sồr lam Kơnràñ dê.

Đơs Crih 64:9

Gen jơh ală cau rơp rngòt; Bol khai rơp yal tơlik broă lơh Yàng Tom Trồ dê, Mơ kơlôi sơnơng bơh broă Kơnràñ neh lơh.

Jơnau Pơnđik 24:32

Añ đal sền, gen ơn nùs di bơta hơ̆; Añ gŏ mơ dòp geh bơta bơto sồr.

Esai 1:3

Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

Esai 28:26

Hơ̆ la Yàng Tom Trồ neh nting sồr mơ bơto bol khai git gùng pal lơh.

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Luka 24:45

Gen Kơnràñ pò dơngoh kơlôi bol khai dê nàng git wă Sră Goh,

Luka 9:44

“Ai tĕ ală jơnau do mut tòm tồr bol mê: Kòn mơnus rơp gơkòl bơtào tòm tê cau sò tơm.”

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

I Timôthe 4:15

Jơh nùs tĕ lơh ală broă hơ̆ mơ jơh nùs ngac ngar tòm ală bơta hơ̆, tồ bơta ntoat tơngguh mê dê geh yal tơlik jơh tơl nă cau in.

II Timôthe 2:6

Cau lơh sre kong bòl glar lơh broă gen pal dòp geh cồng nha sơnròp ngan.

II Timôthe 2:8

Kah tĕ Yàng Jesu Krist deh bơh jơi bơtiàn bơtau Dabit, Bơtau neh kis wơl bơh bơta chơt jat be Jơnau Niam añ jê.

Hebrơ 12:3

Behơ̆, oh mi sền kơlôi tĕ di Bơtau neh kong jai jơnau sòdră bơh ală cau glài dê, tồ ală oh mi in ò bòl glar hala gơplơ̆ nùs.

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

Hebrơ 7:4

Sền tĕ, bơtau Salem màng ryŭ ò git lơh! Abraham la ồng pàng tiơng pơnro bol he dê, neh ơn dô pơnah jơt tòm ală phan khai neh tòmpìt geh.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Jakơ 3:15

Bơta jak chài hơ̆ ò di bơh đang jòng; mơya bal mơ dunnia, òs kòn mơnus dê, cà ràk dê.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.