II Timôthe 1:8 - Sră Goh 2018

⁸ Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 1:8 ပူးပေါင်းရင်းမြစ်များ

Đơs Crih 119:46

Añ kung rơp đơs bơh ală jơnau sồr kràñ cê Kơnràñ dê di đap ală cau bơtau, Mơ rơp ò kòl ƀàssìl dô êt lơi,

Đơs Crih 19:7

Bơta boh lam Yàng Jehôwa dê la wil tơl, nàng bơtơl pràn tai hwềng soàn in; Jơnau sồr kràñ cê Yàng Jehôwa dê la kơ̆ nền, lơh cau ò hoan git in gơlik jak chài.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Jơnau Niam Jat Mak 8:38

Dilah cau lơi ƀàssìl bơh Añ mơ jơnau Añ jê digùl jơi bơtiàn rềs àr bơrnàn do, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus wơl tòm bơta gơklŏ Bèp Kơnràñ dê bal mơ ală cau gơnrơh sàng goh.”

Luka 9:26

Bơh cau lơi ƀàssìl bơh Añ mơ jơnau Añ jê, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus tòm bơta gơklŏ Kơnràñ dê, Bèp dê, mơ ală cau gơnrơh sàng goh dê.

Jang 15:27

Bol mê kung rơp lơh cơng sơl, tài bơh bol mê neh ơm mơ Añ bơh sơnròp.”

Jang 19:35

Cau neh gŏ gen lơh cơng, jơnau lơh cơng khai dê la song ngan, mơ khai git he đơs song ngan tồ oh mi in kung dòn sơl.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

Rôma 8:36

Be neh cih lah: “Tài bơh Yàng tàng bol he kong cau tơnchơt ngai mho; Bol khai sền bol he be belàt cau neh lơh nền nàng lơh poac.”

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

I Kôrintô 1:6

kung be jơnau lơh cơng bơh Bơtau Krist neh geh bơtơl pràn digùl oh mi —

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Philip 3:10

nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

I Tesalônika 3:4

Tòm tŭ gam ơm bal mơ oh mi, bol hi neh yal lài oh mi in lah bol he pal kong jê sồt bòl glar tòm toh be neh gơlik gơs, mơ oh mi kung neh git behơ̆.

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

II Timôthe 1:16

Dan Yàng ai bơta kòñ nđàc hìu Ônesiphôr in, bơh khai oă dơ̆ lơh nùs añ in rài bòl, ò ƀàssìl bơh añ kòl kơt mơ che sreng,

II Timôthe 2:3

Kong bòl glar tĕ bal mơ añ be dô nă cau ling jak Yàng Krist Jesu dê.

II Timôthe 2:8

Kah tĕ Yàng Jesu Krist deh bơh jơi bơtiàn bơtau Dabit, Bơtau neh kis wơl bơh bơta chơt jat be Jơnau Niam añ jê.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

II Timôthe 4:5

Mơya mê git kơrhia tĕ tòm jơh ală bơta, kong bòl glar, lơh broă cau bơto yal Jơnau Niam dê, lơh dô bă wil tơl gơnoar broă mê dê.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 1:2

la cau neh lơh cơng bơh jơnau Yàng Tom Trồ dê mơ bơh jơnau lơh cơng Yàng Jesu Krist dê, hơ̆ la jơh ală bơta khai neh gŏ.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”