II Timôthe 1:7 - Sră Goh 2018

⁷ Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

II Timôthe 1:7 ပူးပေါင်းရင်းမြစ်များ

Đơs Crih 119:80

Lòi añ in gơs nùs ò gơs tiah geh lah pơrhơng gơwèt hơ ală jơnau sồr Yàng dê, Tồ añ in ò kòl ƀàssìl.

Jơnau Pơnđik 2:7

Kơnràñ prap lòi bơta jak chài ngan cau song ngan in, Kơnràñ la khèl đo cau ò gơs tiah geh lah pơrhơng in,

Jơnau Pơnđik 8:14

Añ gơs bơta kơlôi bơyai niam mơ bơta jak chài ngan; Añ gơs bơta àng loh; añ gơs gơnoar pràn.

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.

Luka 15:17

Tŭ hơ̆ khai kah kơlôi wơl mơ đơs is tòm nùs lah: ‘Gơs oă cau lơh ơpah bèp añ in gơs piang lă lìu làc, mơya añ do pal kong chơt jơgloh!

Luka 24:49

Mơ do, Añ sồr Bơtau mơ Bèp neh ho mù hơđang bol mê; ai bol mê kư̆ ơm tĕ tòm Jerusalem jơl tus di tŭ neh dòp soh gơnap gơnoar bơh đang jòng.”

Luka 8:35

Làng bol lik lòt nàng sền bơta pa gơlik gơs hơ̆. Dơ̆ bol khai lòt tus hơ Yàng Jesu, gŏ cau gơs ală cà pa lik hơ̆, ơm nggui di jơng Yàng Jesu, soh ồi ào, dơngoh jak niam be òs, gen rngòt rngơt ngan.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 26:25

Pol ho lah: “Ơ ồng dờng Phestus ryŭ ryơm ngan, añ ò di sơnrang ò, mơya añ đơs hơ̆ la jơnau song mơ dơngoh àng loh.

Broă 6:8

Etien bềng bơta nđàc mơ gơnap gơnoar bơh Yàng Tom Trồ lơh gơs bơta krơi mơ tềl is dờng ngan tòm làng bol.

Broă 9:22

Mơya Sol sơlo gơbơtơl pràn kơldang tòm pơndang mơ ală cau Juda ơm tòm Damas, mơ lơh cơng nền lah Yàng Jesu la Bơtau Krist.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

I Kôrintô 2:4

Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Kôlôse 1:8

Khai kung yal wơl bol hi in bơta kòñ gơboh oh mi dê tòm Yàng Hwềng.

Hebrơ 2:15

nàng hồ toh jơh ală cau kòl tòm yô dĭ gơna jơl jơh rài he dê bơh rngòt di bơta chơt.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Jang 4:18

Ò gơs bơta rngòt tòm bơta kòñ gơboh, mơya bơta kòñ gơboh wil tơl gen gơtă sang bơta rngòt. Tòm bơta rngòt gơs bơta kơlôi bơh bơta lơh glài, mơ cau lơi rngòt gen ò geh wil tơl tòm bơta kòñ gơboh.