II Timôthe 1:5 - Sră Goh 2018

⁵ Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 1:5 ပူးပေါင်းရင်းမြစ်များ

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

Broă 16:1

Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

I Timôthe 4:6

Dilah mê tơngkah ală bơta hơ̆ oh mi in, gen mê la cau duh broă niam Yàng Krist Jesu dê, geh ròng bơh ală jơnau bơta dòn dê mơ bơh bơta bơto sồr niam mơ mê neh jat.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

Hebrơ 6:9

Ơ oh mi kòñ gơboh, bulah bol hi đơs behơ̆ mơya bol hi dòn nền ngan lah ală oh mi ơm tòm bơta niam rlau, la ală broă gơ lòt bal mơ bơta dong klàs.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Rôma 8:38

Bơh añ dòn nền ngan lah bulah bơta chơt, hala bơta kis, ală cau gơnrơh, ală gơnoar at bồ, ală bơta tŭ do hala ală bơta rơp tus, hala ală gơnap gơnoar,

Rôma 4:21

bơh ồng dòn nền ngan lah bơta lơi Yàng Tom Trồ neh ho pơgon, gen Kơnràñ kung gơs gơnoar lơh gơs bơta hơ̆.

Đơs Crih 116:16

Ơ Yàng Jehôwa, añ la cau duh broă Kơnràñ dê; Añ la cau duh broă Kơnràñ dê, kòn ùr kòn klau cau ùr duh broă Kơnràñ dê. Kơnràñ neh hồ che cap añ.

Đơs Crih 86:16

Dan Yàng wèt sền añ mơ nđàc sơngit di añ; Dan ai bơta pràn kơldang Yàng dê cau duh broă Kơnràñ in, Mơ dong klàs kòn klau kòn ùr cau ùr duh broă Kơnràñ in.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Rôma 14:14

Añ git mơ dòn nền ngan tòm Yàng Jesu la ò gơs phan lơi ƀơ̆ ƀơl is gơ dê ò, mìng gơs cau lơi kơlôi phan lơi la ƀơ̆ ƀơl, gen gơ la ƀơ̆ ƀơl cau hơ̆ in lơm.

Rôma 14:5

Cau do sền ngai do lin rlau mơ ngai ndai, cau ne sền ală ngai la ndròm bal. Kòp nă lơh tĕ nền cê tòm nùs kơlôi he.

Broă 26:26

Bơtau git loh ală bơta do gen añ khin cha đơs; bơh añ dòn nền ngan lah ò gơs bơta lơi mơ bơtau ò git, tài bơh ală broă do ò di lơh tòm tiah ndơp ò.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Đơs Crih 81:15

Ală cau gơjrañ kơuềng di Yàng Jehôwa rơp rngòt rơm să di Kơnràñ, Mơ bơta lơh glài bol khai rơp gam sùm sùm.

Đơs Crih 77:6

Tòm trồ mang añ đơs is tòm nùs añ; Añ kơlôi sơnơng is, mơ hwềng nùs añ lùp lah:

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 22:10

Bơh tòm ngai deh añ neh geh jào Yàng in; Yàng la Yàng Tom Trồ añ jê bơh tŭ añ lik bơh kơndul mè.

Đơs Crih 18:44

Tòm tŭ bol khai kơno đơs bơh añ gen bol khai dòn bơr añ; Ală cau làng bơdìh dòn duh añ dô bă rngòt.

Đơs Crih 17:1

Ơ Yàng Jehôwa, dan iat bơta song ngan, ơn nùs di jơnau hòi añ jê; Dan wèt tồr iat jơnau hòi dan gơlik bơh sơndồi ò ma blac añ jê.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.