II Timôthe 1:4 - Sră Goh 2018

⁴ Bơh añ kah dà mat mê, gen jơh nùs kơp kòñ tìp mat mê tồ geh bềng nùs hòn chò.

II Timôthe 1:4 ပူးပေါင်းရင်းမြစ်များ

Đơs Crih 126:5

Cau lơi sih gar mơ hòr dà mat, Gen ngan rơp toès dô bă chò hòp.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Jang 16:22

Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

Broă 20:19

Añ duh broă dô bă pơndêt să, gơhòr oă dà mat, be dĭ gơna Yàng dê tòm bơta gơlòng bòl glar bơh kai gơrmơ̆i cau Juda.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Rôma 1:11

Bơh añ kơp kòñ ngan lòt còp oh mi nàng tòmpà oh mi in bơta ai gòi đah hwềng, tồ oh mi in geh kơ̆ nền,

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Philip 2:26

Bơh khai kòñ ngan gŏ jơh ală oh mi, mơ khai neh kơlôi moat tài bơh oh mi kơno khai kòp jê.

I Tesalônika 2:17

Ơ oh mi, bol hi neh ngài mơ oh mi tòm dô êt jŏ, mơya mìng să ngài mơ nùs ò ngài, gen bol hi neh jơh nùs kơp kòñ mơ sơlo jơh nùs jòi bơta tìp wơl mơ oh mi.

II Timôthe 4:21

Mê pơnđơl tĕ să tus lài mơ kơnhai mrềt. Ơbulus, Puden, Linus, Claudia mơ jơh ală oh mi còp să mê.

II Timôthe 4:9

Pơnđơl tĕ să lòt tus mhar hơ añ;

I Jang 1:4

Bol hi cih ală bơta do nàng bơta hòn chò bol he dê geh wil tơl.

Yal Tơlik 21:4

Kơnràñ rơp jùt jơh dà mat di mat bol khai, bơta chơt ò gam tai, kung ò gơs bơta moat jrùng, ò gơs bơta nggà ñìm, ò gơs bơta jê sồt tai, bơh ală bơta yau neh roh jơh rau.”

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”