II Timôthe 1:3 - Sră Goh 2018

³ Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

II Timôthe 1:3 ပူးပေါင်းရင်းမြစ်များ

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 22:3

“Añ la cau Juda, deh tòm Tarsơ kơnhwàl Silisi, mơya añ geh ròng siam tòm ƀòn dờng Jerusalem, la cau bơtê Gamaliel dê, jat dô bă kràñ cê bơta boh lam ồng pàng bol he dê, mơ gơs nùs ngac ngar gơwèt hơ Yàng Tom Trồ, kung be jơh ală ồng tòm ngai do sơl.

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Broă 24:14

Mơya di đap ồng añ yal song lah añ jat Gùng Duh Khoai Yàng Tom Trồ ồng pàng bol hi dê, jat gùng duh khoai hơ̆ mơ bol khai sơnđan la tìs. Mơ añ kung dòn jơh ală bơta cih tòm sră bơta boh lam Môise bal mơ ală sră cau gơnoar hwơr dê.

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Broă 26:4

Jơh ală cau Juda làm git lơm añ neh kis mbe lơi bơh tòm tŭ gam kơnòm, digùl làng bol añ mơ tòm Jerusalem.

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Rôma 9:1

Añ đơs song tòm Bơtau Krist, añ ò đơs blac, nùs tồr añ lơh cơng añ in bơh Yàng Hwềng Goh lah:

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Galati 1:14

añ ntoat tơngguh tòm gùng duh khoai cau Juda dê rlau jơh mơ ală cau dô rơh dô rài bal mơ añ: Añ la cau ngac ngar rlau jơh bơh jơnau òs yau ồng pàng añ jê.

Ephesô 1:16

gen añ tài bơh oh mi mơ ưnngài Yàng Tom Trồ ò dơh. Añ òs kah oh mi tòm tŭ hòi dan.

I Tesalônika 3:10

Ngai mơ mang bol hi jơh nùs hòi dan nàng geh tòmtìp mat mơ oh mi, mơ lơh bềng tơl tòm bơta siơ̆u siar bơta dòn oh mi dê.

I Timôthe 1:19

prap kơ̆ bơta dòn mơ nùs tồr niam. Gơs dô êt cau tài bơh neh sang lòi nùs tồr hơ̆, gen tàng bơta dòn bol khai dê neh gơkram rau;

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

I Timôthe 5:5

Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

II Timôthe 1:5

Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.