II Samuel 6:21 - Sră Goh 2018

²¹ Dabit đơs mơ Mikal lah: “Hơ̆ la di đap Yàng Jehôwa, la Bơtau neh sac rwah añ ơm tòm tiah bèp ai mơ jơh hìu nhă khai dê, bơtào añ lơh gơs bơtau at bồ hơđang Israel la làng bol Yàng Jehôwa dê; añ neh tòmya jòng ro di đap Yàng Jehôwa.

II Samuel 6:21 ပူးပေါင်းရင်းမြစ်များ

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Samuel 6:14

Dabit tòmya di đap Yàng Jehôwa jơh nùs jơh pràn; Dabit soh dô nơm ephot mơ bài che dơmài lơbơn.

II Samuel 6:16

Tòm tŭ Đài Yàng Jehôwa dê neh mut tus tòm Ƀòn Dờng Dabit, Mikal kòn ùr Sol dê, tơnggòr sền bơh di mpồng dềt, mơ gŏ Dabit sơnđoh tòmya di đap Yàng Jehôwa, gen tòm nùs khai sền òsơp di Dabit.

II Samuel 6:22

Añ rơp tơnliah să añ rlau mơ do tai, mơ añ rơp sền să tòm añ òsơp òso; mơya bơh ală cau dĭ ùr mơ ai neh đơs hơ̆ añ rơp geh ki ngàm.”

II Samuel 6:5

Dabit mơ jơh hìu Israel jơh nùs jơh pràn tòmya di đap Yàng Jehôwa bal mơ ală bơta đơs chò mơ kơñi pĕ, kơñi rơs, sơnggơr dềt, cing mơ mồng.

II Samuel 7:8

Behơ̆ tŭ do, đơs tĕ mơ Dabit, cau duh broă Añ jê lah: ‘Yàng Jehôwa Gơnap Gơnoar Dờng Làm Jơh đơs be do: Añ neh tă mê bơh di ƀlàng ñhơt, bơh tiah mê ê mpồl belàt, nàng mê lơh gơs cau bơtau at bồ làng bol Israel Añ jê.

I Yal Yau 15:29

Tòm tŭ Đài Ho Bal Yàng Jehôwa dê tus tòm ƀòn dờng Dabit, Mikal kòn ùr Sol dê sền bơh mpồng dềt. Mơ tòm tŭ khai neh gŏ bơtau Dabit tòmya hòn chò gen khai sền òsơp di Dabit tòm nùs khai dê.

Broă 13:22

Lồc behơ̆ Kơnràñ sang bơtau hơ̆, bơtào Dabit lơh gơs bơtau mơ đơs bơh khai lah: ‘Añ neh jòi bàn Dabit kòn Jese dê, la cau di nùs Añ; khai rơp lơh jat nùs kòñ Añ jê tòm jơh ală bơta.’

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:12

Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”