II Samuel 6:19 - Sră Goh 2018

¹⁹ Lồc behơ̆ khai tòmpà phan sa jơh mpồl làng bol Israel in, cau klau mơ cau ùr, kòp nă dô nơm piang lă, dô pơnai poac, dô nơm ƀañ plai gòl, mơ dô nơm ƀañ plai ño. Mơ jơh tơl nă rê wơl hơ hìu bol khai dê.

II Samuel 6:19 ပူးပေါင်းရင်းမြစ်များ

II Samuel 6:18

Tơnơ̆ mơ tŭ Dabit neh sir ơn ală phan ơn chu pơrguc mơ ală phan ơn bơta ring lơngai gen khai ai lơngai làng bol in tòm sơnđan Yàng Jehôwa At Bồ Hơđang Rlau Jơh.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

I Ală Bơtau 8:66

Ngai dơ̆ phàm, bơtau ai làng bol in rê hìu; làng bol ai lơngai bơtau in, mơ rê wơl hơ sàl bol khai dê, hòn chò hừh nùs bơh ală bơta niam lơnhơn mơ Yàng Jehôwa neh lơh Dabit in, cau dĭ gơna Kơnràñ dê, mơ làng bol Israel Kơnràñ in.

I Yal Yau 16:3

Gen khai ai kòp nă cau klau mơ cau ùr Israel in dô nơm piang lă, mơ dô pet poac, mơ dô nơm ƀañ plai ño.

I Yal Yau 16:43

Gen jơh làng bol lik rê hơ hìu tòm bol khai dê, mơ Dabit rê hìu nàng ai lơngai hìu nhă khai in.

II Yal Yau 30:24

Ejekia bơtau Juda ai mpồl jơnum in dô rbô nơm kơnrồ dam mơ poh rbô nơm belàt ơn phan pơdơng, mơ ală cau kwang cau bơtau dê ai mpồl jơnum in dô rbô kơnrồ dam mơ jơt rbô belàt. Dô ntum khà dờng ală cau gơnoar ơn phan duh khoai ơn is sàng goh să tòm bol khai dê.

II Yal Yau 7:10

Tòm ngai bàr jơt pe kơnhai poh, khai sồr làng bol rê hìu bol khai dê, nùs hòn chò mơ hwềng nùs niam; tài bơh bơta niam mơ Yàng Jehôwa ràng tơlik Dabit in, mơ Salômôn in mơ jơh làng bol Israel in.

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Đơs Chò 2:5

Yò đo añ mơ ƀañ plai ño; bơtơl pràn añ in mơ ală plai chi; bơh añ kòp jê bơta kòñ gơboh.

Ejekiel 45:17

Broă tòm cau bơtau dê la pal rcang gơs ală phan ơn chu pơrguc, ală phan ơn mơ kòi mbo, mơ phan ơn hùc tòm ală ngai pơjum sa, ală ngai Dùl Lik mơ ală ngai Saƀat, jơh ală ngai pơjum sa neh lơh nền hìu Israel dê. Khai rơp rcang gơs ală phan ơn tơwài glài, ală phan ơn mơ kòi mbo, ală phan ơn chu pơrguc mơ ală phan ơn ring lơngai nàng tơwài glài hìu Israel in.”

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Ephesô 4:8

Be Sră Goh neh đơs lah: “Tòm tŭ Kơnràñ guh hơđang jòng, gen tề lam ală cau kòl jàm, Mơ ai bơta ai gòi kòn mơnus in.”

Jôsue 22:6

Gen Jôsue ai lơngai bol khai in mơ lòi bol khai rê, gen bol khai rê tòm sàl bol khai dê.