II Samuel 6:14 - Sră Goh 2018

¹⁴ Dabit tòmya di đap Yàng Jehôwa jơh nùs jơh pràn; Dabit soh dô nơm ephot mơ bài che dơmài lơbơn.

II Samuel 6:14 ပူးပေါင်းရင်းမြစ်များ

II Samuel 6:15

Behơ̆ Dabit mơ jơh hìu Israel cèng Đài Yàng Jehôwa dê bal mơ jơnau driau dờng hòn chò mơ ntas kơlwòk.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

I Yal Yau 15:27

Dabit neh soh dô nơm ào jrùh mơ bài che dơmài lơbơn, jơh ală cau Lebi tùng Đài Ho Bal kung soh behơ̆ bal mơ ală cau đơs chò mơ Kenania la cau lam bồ ală mpồl đơs chò sơl. Dabit kung soh dô nơm ephot mơ bài che dơmài.

Đơs Crih 149:3

Lòi bol khai tòmya mơ jòng ro sơnđan Kơnràñ dê, Ngui sơnggơr dềt mơ kơñi pĕ nàng jòng ro Kơnràñ!

Đơs Crih 150:4

Jan tĕ sơnggơr dềt mơ tòmya nàng jòng ro Kơnràñ! Pĕ tĕ kơñi che mơ uh kơwào nàng jòng ro Kơnràñ!

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Đơs Crih 87:7

Ală cau đơs chò mơ ală cau tòmya đơs lah: “Jơh ală hiòng lơngai añ jê ơm tòm mê.”

Lik Ejiptơ 15:20

Gen Miriam la cau gơnoar hwơr ùr, kung la bi ùr Arôn dê, at sơnggơr dềt tòm tê, gen jơh ală cau ùr lòt jat khai, at sơnggơr dềt mơ tòmya.

Lik Ejiptơ 15:21

Miriam đơs chò mơ bol khai lah: “Đơs chò tĕ Yàng Jehôwa in, bơh Kơnràñ neh geh pha lin gơklŏ ngan. Kơnràñ neh sơrbì tòm dàlềng ơseh mơ cau hào ơseh.”

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Ejekiel 46:10

Tòm tŭ bol khai mut cau bơtau pal mut bal mơ bol khai, mơ tòm tŭ bol khai lik gen bơtau pal lik bal mơ bol khai.

Luka 15:25

Tŭ hơ̆ kòn tơnhoa ơm tòm ƀlàng rê mòr tus hìu, gen kơno ntas kơñi mơ cau tòmya,

Yal Wơl 6:5

Oh mi pal jơh nùs, jơh hwềng soàn, jơh pràn, mơ kòñ gơboh di Jehôwa la Yàng Tom Trồ oh mi dê.

Kôlôse 3:23

Dilah lơh broă lơi, lơh tĕ jơh nùs, be lơh Yàng in, ò di be lơh cau in ò,

Ală Kwang Cahrña 11:34

Tòm tŭ Jepthe rê tus di hìu khai dê tòm Mispa; kòn ùr khai dê lik lòt wă rò khai, tòmya mơ sơnggơr dềt. Khai la kòn dô nă Jepthe dê, rlau mơ khai Jepthe ò gơs kòn klau hala kòn ùr lơi ndai tai ò.

Ală Kwang Cahrña 21:21

mơ gơn; tòm tŭ ală cau ơruh Silô lik tòmya tòm bơta tòmya, gen ală oh mi lik tĕ mhar bơh di ală suơn ño, mơ kòp nă bol mê kup tĕ dô nă cau ơruh Silô dê nàng lơh gơs bau ùr, mơ rê wơl hơ ù tiah cau Benjamin dê.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.

I Samuel 22:18

Gen cau bơtau ai jơnau sồr Dôek mơ đơs lah: “Mê wèt mơ tơnchơt tĕ ală cau gơnoar ơn phan duh khoai hơ̆.” Behơ̆ Dôek cau Edôm wèt mơ tơnchơt ală cau gơnoar ơn phan duh khoai. Tòm ngai hơ̆ khai tơnchơt phàm jơt pram nă cau soh ephot lơh mơ bài che dơmài.